රජය බලයට පත්වීමට පෙර එල්ල වූ චෝදනාවලට පටහැනිව වත්මන් ආණ්ඩුව ව්යාපාර විරෝධී නොවන බව ඔප්පු කර ඇති බව ප්රවාහන, මහාමාර්ග සහ නාගරික සංවර්ධන අමාත්ය බිමල් රත්නායක මහතා පැවසීය.
රටේ පොදු ප්රවාහන පද්ධතිය නවීකරණය කිරීමේ රජයේ සැලැස්මට අනුකූලව, විදුලි දුම්රිය ව්යාපෘතියේ පළමු අදියර 2030 වන විට අවසන් කිරීමට ඉලක්කයක් තබා ඇති බව, පොළොන්නරුව දුම්රිය ස්ථානය මහජන භාවිතය සඳහා විවෘත කිරීම සඳහා පැවති උත්සවයකට සහභාගී වෙමින් ප්රවාහන අමාත්යවරයා මේ බව ප්රකාශ කළේය.
එහිදී ඔහු තවදුරටත් මෙසේ ද පැවසුවේය.
රටේ ව්යාපාරික ප්රජාවෙන් විශාල කොටසක් දැන් කිසිදු පැකිලීමකින් තොරව රජය සමඟ කටයුතු කරමින් සිටිනවා. රජය බලයට පත්වීමට පෙර, එහි ආර්ථික ප්රතිපත්ති පිළිබඳව විවිධ අංශවලින් විවේචන එල්ල වූ අතර එය පෞද්ගලික අංශයට එරෙහිව ස්ථාවරයක් ගනු ඇතැයි යන බියක් තිබුණා. කෙසේ වෙතත්, අද තත්වය සම්පූර්ණයෙන්ම වෙනස් වී තිබෙනවා.
ව්යවසායකයින් ඔවුන්ගේ සාම්ප්රදායික අංශවලට පමණක් සීමා නොවී නව ආයෝජන අවස්ථා ගවේෂණය කළ යුතුයි. කුඩා හා මධ්ය පරිමාණ ව්යාපාර සහ විශාල සංස්ථා සඳහා සමාන අවස්ථා තිබෙනවා. එපමණක් නොව, නව ආයෝජන අවස්ථා ලබා ගැනීමට, ඔබට කිසිදු දේශපාලන සම්බන්ධතාවක් හෝ නිර්දේශයක් අවශ්ය නැහැ, සම්බන්ධ වීමට බිය නොවන්න.
ඔබට කිසිදු මිත්රත්වයක් හෝ බලපෑමක් අවශ්ය නැහැ. ප්රවාහන හා සැපයුම් අංශය ආයෝජන සඳහා හඳුනාගත් ප්රධාන අංශවලින් එකක්. ශ්රී ලංකාවේ සැපයුම් අංශය තවමත් දුර්වලයි. ප්රමාණවත් පහසුකම් නොමැතිකම නිසා දේශීයව නිෂ්පාදනය කරන ලද භාණ්ඩ පාරිභෝගිකයින් වෙත ප්රවාහනය කිරීමේ පිරිවැය තවමත් ඉහළ මට්ටමක පවතිනවා. විශේෂයෙන්, භාණ්ඩ ප්රවාහනය සඳහා මාර්ග ජාලය මත පමණක් රඳා නොසිට දුම්රිය සේවා භාවිතා කළ යුතුයි.
දුම්රිය දෙපාර්තමේන්තුව නවීකරණය කිරීම අභියෝගාත්මක වුවත්, අවශ්යයි. ව්යාපාර සහ මහජනතාව මුහුණ දෙන අධික බදු බර රජය හඳුනාගෙන ඇති අතර, ජනාධිපතිවරයා සහ කැබිනට් මණ්ඩලය සමඟ සාකච්ඡා කර 2027 දී බදු බරින් යම් සහනයක් ලබා දීම පිළිබඳව සලකා බලමින් සිටිනවා”.
