විශ්වවිද්යාල ක්ෂේත්රයේ දැවැන්ත පරිවර්තනයක් සිදු කරන බව පැවසූ වත්මන් රජය, අද විශ්වවිද්යාල පනත සංශෝධනය කිරීමෙන් විශ්වවිද්යාල ක්ෂේත්රයට ඒකාධිපතීත්වයක් ගෙන ඒමට උත්සාහ කරන බව විපක්ෂ නායක සජිත් ප්රේමදාස අද (23) පාර්ලිමේන්තුවට පැවසුවේය.
විශ්වවිද්යාල පද්ධතියේ බොහෝ අඩුපාඩු පවතින මොහොතක මෙවැනි ප්රජාතන්ත්රවාදයට එරෙහිව ක්රියා කිරීමට ඉඩ දිය නොහැකි බව ඔහු අවධාරණය කළේය.
විශ්වවිද්යාල පනත සංශෝධනය කිරීමේදී මෙතෙක් උපකුලපතිවරුන් පත් කිරීමේ ප්රජාතන්ත්රවාදී තාක්ෂණයෙන් බැහැරව කටයුතු කිරීම සම්බන්ධයෙන් ආචාර්ය මහාචාර්යවරුන්ගේ අදහස් පළ කිරීම ඇතුළු මූලික අයිතිවාසිකම් උල්ලංඝනය කිරීමක් ද සිදුව තිබෙන බව විපක්ෂ නායකවරයා කීවේය.
ඒකාධිපති ක්රමයක් හරහා සිවිල් ආරක්ෂක කමිටුවල සහ තරුණ සංගම්වල සාමාජිකයින් පත් කිරීමට රජය කටයුතු කරමින් සිටින අතර මෙය වහාම වළක්වා ගත යුතු බව ද සජිත් ප්රේමදාස පැවසුවේය.
