අද (21)දින අළුයම මොණරාගල පොලිස් වසමේ වැල්ලවාය මොණරාගල මාර්ගයේ කුඹුක්කන ප්රදේශයේ කළු පාලම මතදී වැල්ලවාය දෙසට ධාවනය වූ ටිපර් රථයක් ඊට ප්රතිවිරුද්ධ දෙසින් පැමිණි පුද්ගලයින් 10 දෙනෙකු රැගත් ටේරලය සහිත ට්රැක්ටර් රථයක ගැටී අනතුරක් සිදුව ඇත.
අනතුරින් ටේරලයේ ගමන්ගත් පුද්ගලයින්ගෙන් පුද්ගලයින් 08 දෙනෙකු බරපතල තුවාල ලබා මොණරාගල රෝහලට ඇතුලත් කිරීමෙන් පසු පුද්ගලයින් 05 දෙනෙකු මියගොස් ඇත. ඉතිරි තිදෙනා තවමත් රෝහලේ නේවාසිකව ප්රතිකාර ලබයි.
මරණකරුවන් අවුරුදු 21, 26, 31, 55 හා 56 ක් වූ දොඩම්ගස්ලන්ද, බුත්තල සහ හොරබොක්ක ප්රදේශවල පදිංචිකරුවන් වේ.
අනතුරට සම්බන්ධ ටිපර් රථ රියැදුරු හා ට්රැක්ටර් රථයේ රියැදුරු අත්අඩංගුවට ගෙන ඇති අතර මොණරාගල පොලිසිය විසින් වැඩිදුර විමර්ශන සිදු කරනු ලබයි.
