2027 වසරේ සිට රජයේ පාසල්වල පළමු ශ්රේණියට සිසුන් ඇතුළත් කර ගැනීම සඳහා සංශෝධිත ක්රියා පටිපාටි සහ මාර්ගෝපදේශ ඇතුළත් නව චක්රලේඛයක් නිකුත් කිරීමට කැබිනට් අනුමැතිය ලැබී තිබේ.
අග්රාමාත්ය සහ අධ්යාපන අමාත්ය ආචාර්ය හරිනි අමරසූරිය විසින් අමාත්ය මණ්ඩලය වෙත මෙම යෝජනාව ඉදිරිපත් කර ඇත.
අධ්යාපනයට සමාන හා සාධාරණ ප්රවේශයක් සහතික කිරීම, ඇතුළත් වීමේ ක්රියාවලියේ විනිවිදභාවය වැඩි දියුණු කිරීම සහ අක්රමිකතා අවම කිරීම නව පියවරවල අරමුණයි.
අල්ලස් හෝ දූෂණ චෝදනා විමර්ශන කොමිසම, ශ්රී ලංකා මානව හිමිකම් කොමිසම, පාසල් විදුහල්පතිවරුන්, අධ්යාපන බලධාරීන් සහ රටේ ක්රියාත්මක අධ්යාපන ප්රතිසංස්කරණවල නිර්දේශ සහ නිරීක්ෂණ සැලකිල්ලට ගනිමින් නව චක්රලේඛය සකස් කෙරේ.
ඒ අනුව 2027 වර්ෂයේ සිට ඉදිරියට රජයේ පාසල්වල පළමුවන ශ්රේණියට ළමයින් ඇතුළත් කිරීමට අදාළ චක්රෙල්ඛය නිකුත් කරන බව මේ සම්බන්ධයෙන් රජයේ ප්රවෘත්ති දෙපාර්තමේන්තුව නිකුත් කළ නිවේදනයේ සඳහන් වේ.
