ඩිජිටල් වේදිකා භාවිතා කරමින් සේවා සපයන පුද්ගලයින් ජූලි මස පළමු වන දින සිට අගය එකතු කළ බද්දට යටත් වන බව මුදල් නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා පවසයි.
මෙම පනත ඇතුළුව බදු සංශෝධන කිහිපයක් සඳහා ඊයේ (23) පාර්ලිමේන්තුවේදී අනුමැතිය ලැබුණු බව නියෝජ්ය අමාත්යවරයා පැවසුවේය.
බදු සංශෝධන පනත් කෙටුම්පත සම්මත වීමත් සමඟ නව බදු බලාත්මක වන බව කී මුදල් නියෝජ්ය අමාත්යවරයා සමාජ ආරක්ෂණ දායකත්ව බද්ද ලියාපදිංචි කිරීම සඳහා අවශ්ය වාර්ෂික පිරිවැටුම් සීමාව රුපියල් මිලියන 60 සිට රුපියල් මිලියන 36 දක්වා අඩු කිරීම ද බදු සංශෝධනවලට ඇතුළත් බව වැඩි දුරටත් පැවසුවේය.
