රක්වාන ශ්රී උභයතිලකාරාම විහාරස්ථානයේ 78 වන පොසොන් පෙරහැර සඳහා ගෙන එන ලද අලියෙකුගේ ප්රහාරයකින් ඇත් ගොව්වෙකු සහ ඔහුගේ සහායකයෙකු මිය ගිය බව රක්වාන පොලිසිය පවසයි.
ජුනි 20 වන දින පැවති පෙරහැර සඳහා ගෙන එන ලද අලි දෙදෙනෙකු පන්සල් පරිශ්රය අසල බැඳ දමා තිබූ අතර අද (22) උදෑසන සහකාර ඇත් ගොව්වා එක් අලියෙකු රක්වාන ගඟට ගෙන ගොස් එයට ජලය ලබා දී ඇති අතර එම අවස්ථාවේ දී කලබලයට පත් වූ ඇතා සහකාර ඇත් ගොව්වාට පහර දී පාගා දමා මරා දමා ඇති බව පොලිසිය පැවසුවේය.
සහකාර ඇත් ගොව්වාගේ උදව් ඉල්ලා කෑගැසීම ඇසූ විට, ප්රධාන ඇත් ගොව්වා එම ස්ථානයට පැමිණ ඇති අතර ඔහු ද අලියාගේ ප්රහාරයට ලක්ව එම ස්ථානයේදීම මිය ගොස් ඇතැයි පොලිසිය පැවසුවේය..
සිද්ධියෙන් පසු, අලියා පන්සල අසල කුඹුරකට පළා ගොස් ඇති අතර වනජීවී නිලධාරීන් එම ස්ථානයට පැමිණ අලියා සන්සුන් කර අල්ලා ගැනීමට අවශ්ය පියවර ගනිමින් සිටින බව ද රක්වාන පොලිසිය වැඩි දුරටත් සඳහන් කළේය.
