මහනුවර – මාතලේ ප්‍රධාන මාර්ගයේ අකුරණ, කුරුගොඩ හන්දිය අසල සිමෙන්ති මිශ්‍ර කිරීමේ ට්‍රක් රථයක ගැටීමෙන් සිදුවූ අනතුරෙන් මියගිය සිව් දෙනෙකුගේ අනන්‍යතාව තහවුරු වී ඇති බව අකුරණ පොලිසිය පැවසුවේය.
ඊයේ (19) සිදු වූ මෙම අනතුරින් පිරිමින් දෙදෙනෙකු සහ කාන්තාවන් දෙදෙනෙකු මිය ගිය අතර තවත් හය දෙනෙකු තුවාල ලබා ඇත. තුවාල ලැබූවන් මේ වන විට මහනුවර සහ අකුරණ රෝහල්වල ප්‍රතිකාර ලබමින් සිටිති.
මියගොස් ඇත්තේ අලවතුගොඩ සහ අකුරණ පදිංචිකරුවන් වන (පිළිවෙළින්) වයස අවුරුදු 38 සහ 51 යන වයස්වල පසුවන පිරිමින් දෙදෙනෙකු සහ මාතලේ සහ අකුරණ පදිංචිකරුවන් වන වයස අවුරුදු 16 සහ 28 යන වයස්වල පසුවන තරුණියන් දෙදෙනෙකු බව හඳුනා ගෙන තිබේ.
පශ්චාත් මරණ පරීක්ෂණ මහනුවර රෝහලේදී පවත්වන ලද අතර, පසුව මළ සිරුරු ඔවුන්ගේ ඥාතීන්ට භාර දී තිබේ.
