හිටපු පොලිස්පති සී.ඩී. වික්රමරත්න මහතාගේ අවසන් කටයුතු ලබන සඳුදා (20) සවස බොරැල්ල සුසාන භූමියේදී සිදු කරන බව පොලිසිය පවසයි.
හෙට සිට බොරැල්ල පෞද්ගලික අවමංගල්ය ශාලාවක දේහය තැන්පත් කරන බව ද පොලිසිය සඳහන් කළේය.
මේ අතර, හිටපු පොලිස්පතිවරයා වෙඩි වැදී මිය යාමේ සිද්ධිය සම්බන්ධයෙන් පුද්ගලයින් 10 දෙනෙකුට වැඩි පිරිසකගේ ප්රකාශ සටහන් කරගෙන ඇති බව පොලිසිය පැවසීය.
පොලිස්පති ප්රියන්ත වීරසූරිය මහතා කොළඹ දිස්ත්රික්කය භාර නියෝජ්ය පොලිස්පති හරහා ලබා දුන් විශේෂ නියෝගයකට අනුව, බස්නාහිර පළාත් දකුණ අපරාධ කොට්ඨාශය පරීක්ෂණයක් ආරම්භ කර තිබේ.
නුගේගොඩ කොට්ඨාශය භාර ජ්යෙෂ්ඨ පොලිස් අධිකාරී (එස්එස්පී) මහතාගේ උපදෙස් සහ නුගේගොඩ සහකාර පොලිස් අධිකාරී (ඒඑස්පී) මහතාගේ අධීක්ෂණය යටතේ, මාලඹේ පොලිසියේ ස්ථානාධිපති (ඕඅයිසී) මහතා විසින් ද පරීක්ෂණ පවත්වනු ලැබේ.
