අද (30) දහවල් වනාතවිල්ලුව, බණ්ඩාරනායකපුර මංගලපුර විල්ලුවේදී සිදුවූ අවාසනාවන්ත අනතුරකින් ළමුන් සිව්දෙනෙකු ජීවිතක්ෂයට පත්ව තිබේ.
මල් කැඩීම සඳහා තෙප්පමක් ආධාරයෙන් විල්ලුවට ගිය 16 හැවිරිදි වියේ පසුවූ ළමුන් පස්දෙනෙකු එම තෙප්පම පෙරලීමෙන් දියේ ගිලී මෙම අනතුර සිදුව ඇත. අනතුර සිදුවන අවස්ථාවේ එහි සිටි එක් ළමයෙකු පිහිනා ගොඩට පැමිණ දිවි බේරාගෙන ඇත.
ජීවිතක්ෂයට පත් වූවන් බණ්ඩාරනායකපුර සහ මංගලපුර ප්රදේශවල පදිංචිකරුවන් වන අතර, ඔවුන්ගේ මෘත ශරීර මේ වන විට පුත්තලම මූලික රෝහලේ මෘත ශරීරාගාරයේ තැන්පත් කර ඇත.
සිද්ධිය සම්බන්ධයෙන් වනාතවිල්ලුව පොලිසිය වැඩිදුර විමර්ශන කටයුතු සිදු කරයි.
