තියුණු ආයුධයක් භාවිතා කර මනුෂ්ය ඝාතනයක් සිදු කිරීම සම්බන්ධයෙන් වරදකරුවන් වූ පුද්ගලයින් දෙදෙනෙකුට අද (20) බලපිටිය මහාධිකරණ විනිසුරු ප්රියන්ත ලියනගේ විසින් මරණ දඬුවම නියම කරන ලදී.
2005 සැප්තැම්බර් 4 වන දින අහුංගල්ල, බලපිටිය මදූව ප්රදේශයේදී මෙම ඝාතනය සිදු වූ අතර, එහිදී වින්දිතයාට තියුණු ආයුධයකින් පහර දී ඔහුගේ ගෙල කපා ඇත. සිද්ධිය සම්බන්ධයෙන් නීතිපතිවරයා විත්තිකරුට එරෙහිව බලපිටිය මහාධිකරණය හමුවේ අධිචෝදනා ගොනු කර තිබුණි.
වින්දිතයා අම්බලන්ගොඩ, තල්ගස්ගොඩ ප්රදේශයේ ත්රිරෝද රථ රියදුරෙකි.
අධිකරණ කටයුතුවලින් හෙළි වූයේ විත්තිකරු කුලී ගමනක් යන මුවාවෙන් වින්දිතයාගේ ත්රිරෝද රථය කුලියට ගෙන පසුව ඔහුව ඝාතනය කර ඇති බවයි.
අපරාධය සිදු කරන විට, පළමු විත්තිකරුගේ වයස අවුරුදු 16 ක් වූ අතර දෙවැන්නාගේ වයස අවුරුදු 20 කි.
