ජාතික සංවර්ධන බැංකුව (NDB) සම්බන්ධයෙන් වාර්තා වී ඇති බරපතළ වංචාව පිළිබඳවත් ශ්රී ලංකා මහා බැංකුව ප්රධාන නියාමකයා ලෙස ප්රතිපත්තිය රෙගුලාසිවලට අනුකූල වීම සහ අවදානම් නිරීක්ෂණය යාන්ත්රණයන් සහතික කිරීමට අපොහොසත් වී ඇති බව පවසමින් පාර්ලිමේන්තු මන්ත්රී රවී කරුණානායක මහතා මෙම ලිපිය ජනපතිවරයාට ඉදිරිපත් කර තිබේ.
එම ලිපිය මගින් මන්ත්රීවරයා වැඩිදුරටත් පෙන්වා දී ඇත්තේ මෙම වංචනික ගනුදෙනු හේතුවෙන් රජයට ලැබිය යුතු බදු ආදායම් අහිමි වී ඇති අතර, එම පාඩුව කඩිනමින් ගණනය කර අයකර ගත යුතු බවයි.
මෙම ලිපියේ මෙසේ ද සඳහන් වේ.
වෝහාරික විගණනයේ ස්වාධීනත්වය
මෙම පරීක්ෂණය සඳහා ආයතනයක් පත් කිරීමට මහ බැංකුව ගෙන ඇති තීරණය සම්බන්ධයෙන් ගැටලු පවතී, මන්ද එහි ස්වාධීනත්වය පිළිබඳ ගැටලු මතු විය හැකි බැවිනි. එබැවින් අතිගරු ජනාධිපතිතුමනි, මුදල් අමාත්යවරයා ලෙස ඔබතුමාගෙන් මම පහත සඳහන් දෑ ඉල්ලා සිටිමි:
- කිසිදු පුද්ගලික උනන්දුවක් හෝ පක්ෂපාතීත්වයක් නොමැති, ජාත්යන්තරව පිළිගත් ස්වාධීන වෝහාරික පරීක්ෂණ කණ්ඩායමක් පත් කිරීම.
- පරීක්ෂණ ක්රියාවලිය සඳහා සහය වීමට පහත සඳහන් ජාත්යන්තර ආයතනවල සහය ලබා ගැනීම ගැන සලකා බැලීම:
- ඉන්දීය රිසර්ව් බැංකුව (RBI) ජපාන බැංකුව (BOJ) එංගලන්ත බැංකුව (BOE) සිංගප්පූරු මූල්ය අධිකාරිය (MAS)
- මැලේසියානු මහ බැංකුව පරීක්ෂණයේ විෂය පථය පුළුල් කරමින් මහ බැංකුවේ නියාමන අතපසුවීම්, තාක්ෂණික පද්ධතිවල දුර්වලතා සහ ප්රාග්ධන වෙළෙඳපොළ අධීක්ෂණ අසාර්ථකත්වයන් පිළිබඳවද විමර්ශනය කිරීම, 2023 අංක 16 දරන ශ්රී ලංකා මහ බැංකු පනත යටතේ වගවීමේ රාමුව පරීක්ෂා කිරීම. විශේෂයෙන් බැංකුවල විගණන කමිටු සාමාජිකයින්ට මූලික බැංකු ක්ෂේත්රයේ පළපුරුද්දක් නොමැති වීම මහ බැංකුවේ “සුදුසු සහ යෝග්ය” (Fit and Proper) නිර්ණායකවල සඵලතාවය පිළිබඳ ගැටලුවක් මතු කරයි.
- මූල්ය අංශයේ පාලනය ශක්තිමත් කිරීමට රජය ගන්නා පියවර ජාත්යන්තර මූල්ය අරමුදල (IMF) වෙත නිල වශයෙන් දැනුම් දීම,රජයේ මුදල් පිළිබඳ කාරක සභාවේ (CoPF) සහාය මෙම ක්රියාවලිය සඳහා සහය වීමට අප කාරක සභාව සූදානමින් සිටින අතර, ස්වාධීන වෘත්තීය ආයතන හඳුනා ගැනීමට සහ නිර්දේශ කිරීමට අපට දායක විය හැකිය.මෙය ජාතික වැදගත්කමකින් යුත් හදිසි කරුණකි. අපගේ බැංකු පද්ධතිය කෙරෙහි පවතින විශ්වාසය සහ මූල්ය ස්ථාවරත්වය ආරක්ෂා කර ගැනීමට විනිවිදභාවයකින් යුත් තීරණාත්මක ක්රියාමාර්ග ගැනීම අත්යවශ්ය වේ.
මෙම කරුණ කෙරෙහි ඔබතුමාගේ ඉහළම ප්රමුඛතාවය ලැබෙනු ඇතැයි මම විශ්වාස කරමි”. පාර්ලිමේන්තු මන්ත්රී රවී කරුණානායක මහතා ජනපති අනුර කුමාර දිසානායක මහතාගෙන් ඉල්ලීමක් කර තිබෙනවා.
