නීතිවිරෝධී ලෙස විදේශ රටවලට මාරු කරන ලද ඇමරිකානු ඩොලර් බිලියනයක පමණ උණ්ඩියල් මුදල් හුවමාරු මෙහෙයුමකට සම්බන්ධ බවට චෝදනා එල්ල වී ඇති ශ්රී ලංකාවේ ප්රමුඛ පෙළේ පෞද්ගලික බැංකු හතරක නිලධාරීන් සිව් දෙනෙකු අගෝස්තු 20 වන දින දක්වා රක්ෂිත බන්ධනාගාර ගත කිරීමට කොළඹ මහේස්ත්රාත් අධිකරණය අද (17) නියෝග කළේය.
මූල්ය අපරාධ විමර්ශන අංශය විසින් සැකකරුවන් අත්අඩංගුවට ගැනීමෙන් පසු ඔවුන් සිවු දෙනා අද කොළඹ මහේස්ත්රාත් අධිකරණය වෙත ඉදිරිපත් කරන ලදි.
චෝදනාවට ලක්වූ උන්දියල් මෙහෙයුමට ශ්රී ලංකාවට අනුරූප භාණ්ඩ ආනයනය නොකර විශාල මුදල් ප්රමාණයක් විදේශයන්ට මාරු කිරීමේ චෝදනා ඇතුළත් බව මූල්ය අපරාධ අංශය පැවසුවේය.
සංවිධානාත්මක අපරාධ සහ බැංකු ආශ්රිත මූල්ය වංචාවලට සම්බන්ධ බවට චෝදනා එල්ල වන ජෙෆ්රි මොහොමඩ් ලෙස හඳුනාගෙන ඇති සැකකරුවෙකු අත්අඩංගුවට ගැනීමෙන් පසුව මෙම විමර්ශනය ආරම්භ කරන ලද බව ද මූල්ය අපරාධ විමර්ශන අංශය අධිකරණයට දැනුම් දුන්නේය.
