“මිල සම්බන්ධයෙන් සමහර සිදුවීම් අපට පාලනය කිරීමට නොහැකි විය හැකියි. නමුත් ඕනෑම තත්වයක් යටතේ අඛණ්ඩව විදුලිය සැපයීම සහ අඛණ්ඩව ඉන්ධන සැපයීම අපි සහතික කරනවා” නව බලශක්ති අමාත්ය අනුර කරුණාතිලක මහතා පැවසීය.
රජයේ මූලික අරමුණ වන්නේ අත්යවශ්ය සේවාවන්, විශේෂයෙන් විදුලිය සහ ඉන්ධන හිඟයකින් තොරව අඛණ්ඩව මහජනතාවට සැපයීම බව ද ඔහු පැවසුවේය.
නව බලශක්ති අමාත්යවරයා ලෙස වැඩ භාර ගැනීමෙන් පසු අමාත්ය අනුර කරුණාතිලක මහතා මෙම අදහස් පළ කළේය.
බලශක්ති අමාත්යාංශය තුළ විනිවිදභාවය සහ කළමනාකරණය සම්බන්ධයෙන් විපක්ෂයෙන් මෑතකදී එල්ල වූ විවේචන පිළිබඳව ද අමාත්යවරයා කරුණු පැහැදිලි කළේය.
දූෂණ හෝ අක්රමිකතා පිළිබඳ නිශ්චිත සාක්ෂි නිසි බලධාරීන්ට, එනම් අල්ලස් හෝ දූෂණ චෝදනා විමර්ශන කොමිසම, අපරාධ විමර්ශන දෙපාර්තමේන්තුව හෝ ජනාධිපති විශේෂ විමර්ශන කොමිසම වැනි ආයතනවලට ඉදිරිපත් කරන ලෙස ඔහු විවේචකයින්ට අභියෝග කළේය.
අමාත්යාංශය පරීක්ෂාවට විවෘත බවත්, මාධ්ය සාකච්ඡා හරහා චෝදනා එල්ල කරනවාට වඩා නීතිමය ක්රියා මාර්ග අනුගමනය කරන ලෙස විපක්ෂයෙන් ඉල්ලා සිටින බවත් ඔහු පැවසීය.
“නව අමාත්යවරයා ලෙස, මට ගත යුතු විශේෂ පියවර එතරම් නැතැයි මම සිතනවා. මන්ද, හිටපු අමාත්යවරයා, නියෝජ්ය අමාත්යවරුන් සහ නිලධාරීන් කණ්ඩායම ලෙස, ඔවුන් දැනටමත් අවශ්ය මූලික පියවර ගෙන තිබෙනවා. සකස් කර ඇති එම සැලසුම් ක්රියාත්මක කළහොත්, අපට විදුලි කප්පාදුවකට යාමට අවශ්ය නැහැ. එබැවින්, අමාත්යවරයා ලෙස, මා සැබවින්ම කළ යුත්තේ එම කටයුතු සාර්ථකව පවත්වාගෙන යාමට සහ අවශ්ය රාජ්ය මැදිහත්වීම ලබා දීමට අවශ්ය ප්රතිපත්තිමය සහාය ලබා දීම බව මම සිතනවා” අමාත්යවරයා පැවසීය.
ස්ථාවර බලශක්ති සැපයුමක් සහතික කිරීම සඳහා අඛණ්ඩ සැලසුම් කාර්යක්ෂමව ක්රියාත්මක කරන බව ද අමාත්යවරයා අවධාරණය කළේය.
“මිල සම්බන්ධයෙන් සමහර සිදුවීම් අපට පාලනය කිරීමට නොහැකි විය හැකියි. නමුත් ඕනෑම තත්වයක් යටතේ, අඛණ්ඩව විදුලිය සැපයීම සහ අඛණ්ඩව ඉන්ධන සැපයීම අපි සහතික කරනවා” අමාත්යවරයා පැවසීය.
