ගල් අඟුරු ප්රසම්පාදනය පිළිබඳ විමර්ශනයට අදාළ සියලුම ලිපිගොනු තමන් භාරයට ගෙන ඇති බව අපරාධ පරීක්ෂණ දෙපාර්තමේන්තුව පවසයි.
2009 සිට ගල් අඟුරු ආනයනය කිරීම සම්බන්ධයෙන් පරීක්ෂණයක් ඉල්ලා ජනාධිපති ලේකම් ආචාර්ය නන්දික සනත් කුමානායක විසින් අපරාධ පරීක්ෂණ දෙපාර්තමේන්තුවට ගොනු කරන ලද පැමිණිල්ලකට අනුව මෙම පරීක්ෂණ ආරම්භ කළ බව ද අපරාධ පරීක්ෂණ දෙපාර්තමේන්තුව පැවසුවේය.
දැනට තමන් සතුව ඇති ගල් අඟුරු ප්රසම්පාදනයට අදාළ ලේඛන ඇගයීම ආරම්භ කර ඇති බවත්, අදාළ ලේඛන භාරයේ සිටි සියලුම නිලධාරීන්ගෙන් ප්රකාශ සටහන් කර ගෙන ඇති බවත් දෙපාර්තමේන්තුව වැඩිදුරටත් පැවසීය.
ගල් අඟුරු ප්රසම්පාදනය සම්බන්ධයෙන් විද්යුත් දත්ත පරීක්ෂා කිරීම ද මේ වන විට සිදුවෙමින් පවතින බවත් කොහුවල පිහිටි ලංකා ගල් අඟුරු සමාගමේ ප්රධාන කාර්යාලය අප්රේල් 11 වන දින සිට මුද්රා තබා ඇති බවත් අපරාධ පරීක්ෂණ දෙපාර්තමේන්තුව සඳහන් කළේය.
