පෞද්ගලික වාසි තකා නොව, ප්රතිපත්තිමය එකඟතාවක් යටතේ සමගි ජන බලවේගය නිසි වේලාවට ඒකාබද්ධ විපක්ෂය සමඟ එක්වන බව විපක්ෂ නායක සජිත් ප්රේමදාස මහතා පැවසීය.
ඒකාබද්ධ විපක්ෂයේ සන්ධානය ගැන ජනාධිපති අනුර කුමාර දිසානායක මහතා අයවැය ඉදිරිපත් කළ දා සඳහන් කළ බවත්, ඔවුන්ට ජනාධිපතිවරයාගේ උපදෙස් අවශ්ය නොවන බවත් ඔහු පැවසීය.
අයවැය විවාදයේදී අදහස් දක්වමින් විපක්ෂ නායකවරයා කියා සිටියේ, සමගි ජන බලවේගය V8, අමාත්ය තනතුරු, මන්ත්රීවරුන්ගේ රක්ෂණ හෝ වෙනත් තනතුරු සඳහා එක්සත් නොවන බවත්, ජනතාවට සමෘද්ධිමත් රටක් ගෙන ඒම සඳහා ප්රතිපත්තිමය එකඟතාවක් යටතේ එක්සත් වන බවත්ය.
