වත්මන් රජය සිය ආර්ථික ප්‍රතිපත්ති සකස් කරන්නේ මහබැංකුව හා ජන හා සංඛ්‍යා ලේඛන දෙපාර්තමේන්තුව ලබා දෙන යාවත්කාලීන නොවූ දත්ත මත පදනම්ව බව පසුගිය දා මහබැංකුව නිකුත් කළ වාර්තාව තුළින් පෙනී යන බව විපක්ෂ නායක සජිත් ප්‍රේමදාස මහතා අද පාර්ලිමේන්තුවේ දී පැවසුවේය.
රජයේ මේ අකාර්යක්ෂම ආර්ථික කළමනාකරණය ක්‍රමවේදවල අහිතකර ප්‍රතිවිපාක ඉදිරියේ දී ජනතාවට මුහුණ දීමට සිදුවන බව ද ඔහු පැවසීය.
වත්මන් රජය ජාත්‍යන්තර මූල්‍ය අරමුදලේ රූකඩයක් වෙමින් හිටපු රජය අත්සන් කළ ගිවිසුම ඒ ආකාරයෙන්ම ක්‍රියාත්මක කිරීම නිසා ජනතාව මුහුණ දෙන ගැටලු කෙරෙහි ද විපක්ෂ නායකවරයා රජයේ අවධානය යොමු කළේය.
