ශ්රී ලංකන් ගුවන් සේවය විසින් එයාර් බස් ගුවන් යානා මිල දී ගැනීමේ දී සිදුවූ බව කියන අක්රමිකතා සම්බන්ධයෙන් මුදල් විශුද්ධිකරණ විමර්ශනයක සැකකරුවෙකු ලෙස පාර්ලිමේන්තු මන්ත්රී නාමල් රාජපක්ෂ මහතා නම් කිරීමට තීරණය කර ඇත.
ශ්රී ලංකන් ගුවන් සේවය විසින් එයාර් බස් ගුවන් යානා මිලදී ගැනීමේ දී සිදුවූ බව කියන අක්රමිකතා සම්බන්ධයෙන් සොයා බලන විමර්ශනයට අදාළ නඩුව අද (14) කොළඹ ප්රධාන මහේස්ත්රාත් අසංග එස්. බෝදරගම මහතා ඉදිරියේ නඩුව කැඳවූ අවස්ථාවේදී නීතිපති දෙපාර්තමේන්තුව මේ බව අධිකරණයට දැනුම් දුන්නේය.
ශ්රී ලන්කන් ගුවන් සේවයේ එයාර් බස් ප්රසම්පාදන ක්රියාවලියට අදාළ යැයි කියන මූල්ය අක්රමිකතා පිළිබඳව බලධාරීන් අඛණ්ඩව විමර්ශනය කරමින් සිටින බව ද නීතිපති දෙපාර්තමේන්තුව අධිකරණය හමුවේ පැවසුවේය.
නඩු කටයුතු අතරතුර, අල්ලස් හෝ දූෂණ චෝදනා විමර්ශන කොමිෂම සිය විමර්ශනවල ප්රගතිය දැක්වෙන වාර්තාවක් ඉදිරිපත් කළ අතර විමර්ශනය පිළිබඳව වාර්තා කිරීම සඳහා තවත් දිනයක් ඉල්ලා සිටියේය.
ඉදිරිපත් කිරීම් සලකා බැලීමෙන් පසු, කොළඹ ප්රධාන මහේස්ත්රාත්වරයා නඩුවේ ඊළඟ නඩු විභාගය ඔක්තෝබර් 13 වන දිනට නියම කළ අතර එදිනට විමර්ශනයේ ප්රගතිය පිළිබඳ පුළුල් යාවත්කාලීන කිරීමක් ඉදිරිපත් කරන ලෙස අල්ලස් කොමිසමට නියෝග කළේය.
