අනියම් බිරිඳ සමඟ ඇති වූ ආරවුලකින් පසු සුරිනාම් ජාතිකයෙකු පිහියකින් පහර දී පුච්ගලයින් නව දෙනකු පමණ ඝාතනය කළ බව විදෙස් මාධ්ය පවසයි.
සුරිනාම් අගනුවර වන පැරමරිබෝ සිට කිලෝමීටර් 25ක් පමණ නැගෙනහිරින් පිහිටි කොමෙයිජ්නේ දිස්ත්රික්කයේ රිචෙලියු නම් ගම්මානයේ සිදු වූ මෙම බිහිසුණු ප්රහාරයට ගොදුරු වූවන් අතර ළමුන් පස් දෙනෙකු ද සිටින බව වාර්තා වේ.
මෙම සිදුවීම මෑත වසරවලදී සුරිනාමයේ සිදු වූ මාරාන්තිකම ප්රහාරවලින් එකක් ලෙස සැලකේ.
පොලිසිය පැවසුවේ ප්රදේශයේ නිවාස කිහිපයක ප්රචණ්ඩත්වය පැතිර ගිය බවයි. AP උපුටා දක්වන ලද ප්රාදේශීය වාර්තාවලට අනුව, 43 හැවිරිදි පුද්ගලයෙකු තම අනියම් බිරිඳ සමඟ දුරකථනයෙන් උණුසුම් ආරවුලක් ඇති කර ගැනීමෙන් පසුව මෙම සිදුවීම ආරම්භ වී ඇත. දරුවන් රැගෙන යාමට තමා නොඑන බවත්, ඒ වෙනුවට වෙනත් අයෙකු යවන බවත් කාන්තාව ඔහුට පැවසීමත් සමඟ තත්වය තවත් උග්ර වූ බව අසල්වැසියෝ පැවසූහ.
ඉන් ටික කලකට පසු සැකකරු තම දරුවන්ට පිහියකින් පහර දුන් බව කියනු ලැබේ. පසුව ඔහු අසල පිහිටි නිවාස වෙත ගිය අතර, එහි දී මැදිහත් වීමට උත්සාහ කිරීමේ දී අසල්වැසියන් තුවාල ලැබූ බව නිවැසියන් ප්රාදේශීය මාධ්ය වෙත පැවසීය.
පොලිසිය පැමිණි විට සැකකරු නිලධාරීන්ට පහර දීමට උත්සාහ කළ බව වාර්තා වේ. අත්අඩංගුවට ගැනීමේ දී ඔහු තුවාල ලබා රෝහල් ගත කර ඇති අතර, එහි දී ඔහුට ප්රතිකාර ලබා දී ඇත.
බලධාරීන් පැවසුවේ දරුවෙකු සහ තවත් වැඩිහිටියෙකු බරපතල තුවාල ලබා රෝහල් ගත කළ බවයි.
කලින් ලන්දේසි යටත් විජිතයක් වූ සුරිනාම්, දකුණු ඇමරිකාවේ කුඩාම ස්වාධීන රට වන අතර එහි ජනගහනය 600,000ක් පමණ වේ. එය සාපේක්ෂව අඩු ප්රචණ්ඩකාරී අපරාධ මට්ටම් ඇති බවට බොහෝ කලක සිට ප්රසිද්ධය. කෙසේ වෙතත්, මෑත සංඛ්යාලේඛන මගින් තියුණු වැඩිවීමක් පෙන්නුම් කරන අතර, 2024 දී මිනීමැරුම් අනුපාතය 100,000කට ඝාතන 30ක් පමණ දක්වා ඉහළ ගොස් ඇති බව වාර්තා වේ.
