මාරාන්තික හවුති ප්‍රහාර මාලාවකින් පසුව රියාද් ජාත්‍යන්තර ගුවන්තොටුපළේ මෙහෙයුම් අත්හිටුවීම සෞදි බලධාරීන් විසින් තව දුරටත් දීර්ඝ කර ඇත.
පසුගිය සතියේ රියාද් ගුවන්තොටුපළට එල්ල වූ ප්‍රහාරවලින් අවම වශයෙන් පුද්ගලයින් 18 දෙනෙකු මිය ගියේය. දශකයකට වැඩි කාලයක් තුළ සෞදියට එල්ල වූ මාරාන්තිකම ප්‍රහාරය මෙය වූ අතර, එමඟින් සිය ගණනක් තුවාල ලැබූහ.
“කිං කාලිඩ් ජාත්‍යන්තර ගුවන්තොටුපළේ මෙහෙයුම් අත්හිටුවීම දීර්ඝ කරන බව” සිවිල් ගුවන් සේවා අධිකාරිය අද (12) සවස නිවේදනයක් නිකුත් කරමින් කියා සිටියේය.
“පහසුකම්වල ආරක්ෂාව සහ ඒවායේ මෙහෙයුම් සූදානම සත්‍යාපනය කිරීම සඳහා අවශ්‍ය ක්‍රියා පටිපාටි සම්පූර්ණ කිරීම” සඳහා මෙම දීර්ඝ කිරීම අවශ්‍ය බව එහි සඳහන් විය.
මෙහෙයුම් නැවත ආරම්භ වන්නේ කවදාදැයි අධිකාරිය නිශ්චිතව දක්වා නැත.
සෞදි ගුවන් සේවා බලධාරීන් විසින් අද (ඔක්තෝබර් 12) ගුවන් සේවයට යවන ලද පණිවිඩවලට අනුව, සෞදි අරාබියේ වැඩ කරන සතියේ ඉතිරි කාලය සඳහා මෙහෙයුම් නවතා දමන බව ගුවන් ගමන් අධීක්ෂණය කරන ජ්‍යෙෂ්ඨ ගුවන් සේවා මූලාශ්‍රයක් පැවසීය.
“අඩුම තරමින් බ්‍රහස්පතින්දා (ඔක්තෝබර් 15) වන තෙක් එය පවතිනු ඇතැයි ඔවුන් අපට පැවසුවා. සතිය අවසන් වන තුරු ගුවන් ගමන් නොමැත,” මූලාශ්‍රය AFP වෙත පැවසීය.
රියාද් මෙට්‍රෝ හි ජ්‍යෙෂ්ඨ නිලධාරියෙකු ද AFP වෙත පැවසුවේ බලධාරීන් ගුවන් තොටුපළට සේවය කරන ස්ථාන තුනකට ප්‍රවාහන සේවා අත්හිටුවා ඇති බවයි
මූලාශ්‍රය: ඒඑෆ්පී
