22 වැනි ආණ්ඩුක්රම ව්යවස්ථා සංශෝධනය සහ උපරිමාධිකරණවලට විනිසුරුවන් පත් නොකිරීම නිසා මතුව ඇති තත්ත්වය සම්බන්ධයෙන් පාර්ලිමේන්තුවේ මන්ත්රීවරුන් 225 දැනුවත් කිරීමට අද (20) ශ්රී ලංකා නීතිඥ සංගමය පාර්ලිමේන්තුවට පැමිණීමට නියමිතව තිබුණ බව විපක්ෂ නායක සජිත් ප්රේමදාස මහතා පැවසුවේය.
නමුත් ඊයේ දින ආණ්ඩු පක්ෂයේ මන්ත්රීවරුන් හා මන්ත්රීවරියන්ගේ තර්ජනාත්මක අදහස් දැක්වීම නිසා ඔවුන් පාර්ලිමේන්තුවට නොපැමිණෙන බවත් මේ සම්බන්ධයෙන් පොදු එකගතාවකට පැමිණි පසු සිය අදහස් දැක්වීම සඳහා පැමිණෙන බවට නීතිඥ සංගමයේ සභාපතිවරයා ලිපියක් මඟින් තමාට දන්වා ඇති බව ද විපක්ෂ නායකවරයා වැඩි දුරටත් පැවසුවේය.
මේ සම්බන්ධයෙන් අද නැවත වරක් පාර්ලිමේන්තුව දැනුවත් කිරීමට ද ඔහු කටයුතු කළේය.
