නව අධ්යාපන ප්රතිසංස්කරණ ක්රියාත්මක කිරීමේ ප්රගතිය අධ්යාපනය, ශ්රම බලකාය සහ මානව ප්රාග්ධනය පිළිබඳ ආංශික අධීක්ෂණ කාරක සභාවේදී විමසා බැලිණි.
එම කාරක සභාව පාර්ලිමේන්තු මන්ත්රී හේෂා විතානගේ අංකුඹුර ආරච්චි මහතාගේ සභාපතිත්වයෙන් පාර්ලිමේන්තුවේදී පසුගියදා (මැයි 19) රැස්වූ අවස්ථාවේදී මේ පිළිබඳව දීර්ඝ ලෙස සාකච්ඡා කෙරිණි.
නව අධ්යාපන ප්රතිසංස්කරණ ක්රියාත්මක වන ආකාරය පිළිබඳව අධ්යාපන, උසස් අධ්යාපන සහ වෘත්තීය අධ්යාපන අමාත්යාංශයේ ලේකම් නාලක කලුවැව මහතා කාරක සභාව දැනුවත් කළේය.
මේ අවස්ථාව සඳහා විපක්ෂ නායක සජිත් ප්රේමදාස මහතා, කාරක සභා සාමාජික ගරු මන්ත්රීවරුන්, පළාත් අධ්යාපන ලේකම්වරුන්, විදුහල්පතිවරුන් ඇතුළු පිරිසක් සහභාගී වී සිටියහ.
