ෂැංහයි සහයෝගිතා සංවිධානයේ මහලේකම් Nurlan Yermekbayev මහතා සහ කෘෂිකර්ම අමාත්ය කේ.ඩී. ලාල් කාන්ත අතර හමුවක් ඊයේ (20) දින ගොවිජන මන්දිරයේදී පැවැත්විණ.
ෂැංහයි සහයෝගිතා සංවිධානයේ මහ ලේකම්වරයාගේ මෙම සංචාරය ශ්රී ලංකාව සහ ෂැංහයි සහයෝගිතා සංවිධානය (SCO) අතර වර්ධනය වන සම්බන්ධතාවය පිළිබිඹු කරන අතර දෙරටේ සම්බන්ධතාවය තවදුරටත් ශක්තිමත් කිරීමට සහ අනාගත සහයෝගීතාව සඳහා ප්රායෝගික මාර්ග ගවේෂණය කිරීමට වැදගත් අවස්ථාවක් සපයයි.
ෂැංහයි සහයෝගිතා සංවිධානය සමඟ ඇති දිගුකාලීන හවුල්කාරීත්වය ශ්රී ලංකාව බෙහෙවින් අගය කරයි. සංවිධානයේ පළමු හවුල්කරුවා ලෙස ශ්රී ලංකාව ෂැංහයි සහයෝගිතා සංවිධානය කලාපීය සහයෝගීතාව, තිරසාර සංවර්ධනය සහ දකුණු ගෝලීය සහයෝගීතාවයේ සාමූහික අභිලාෂයන් ප්රවර්ධනය කරන වැදගත් වේදිකාවක් ලෙස පිළිගනී.
ලෝකයේ ප්රමුඛතම කලාපීය සංවිධානයක් ලෙස ෂැංහයි සහයෝගිතා සංවිධානයේ කැපී පෙනෙන වර්ධනය සහ බලපෑම ශ්රී ලංකාව අගය කරන අතර එහි සාමාජික රටවල් සහ හවුලුකරුවන් අතර ආර්ථික සහයෝගීතාව, ආහාර සුරක්ෂිතතාව, කෘෂිකාර්මික නවීකරණය සහ තිරසාර ග්රාමීය සංවර්ධනය වැඩිදියුණ කිරීම සඳහා එහි අඛණ්ඩ උත්සාහයන් අගය කරමු.
කෘෂිකර්මාන්තය ශ්රී ලංකාවේ ආර්ථිකයේ, ජීවනෝපායන්වල සහ ජාතික ආහාර සුරක්සිතතා න්යාය පත්රයේ මූලික අංගයක් ලෙස පවතී. මෙම සහයෝගීතාවය මත කෘෂිකාර්මික තාක්ෂණය, දේශගුණයට ඔරොත්තු දෙන කෘෂිකර්මාන්තය, පොහොර සහයෝගීතාව, පශු සම්පත් සංවර්ධනය, පර්යේෂණ හවුල්කාරීත්වයන්, අගය එකතු කළ නිෂ්පාදන, ආහාර සැකසීම, කෘෂිකාර්මික යාන්ත්රීකරණය සහ වෙළඳපොළ ප්රවේශය වැනි ක්ෂේත්රවල ෂැංහයි සහයෝගිතා සංවිධානයේ සාමාජික රටවල් සමඟ සහයෝගිතාව ගැඹුරු විභවයක් පවතී.
ආර්ථික ඒකාබද්ධතාවය සහ සංවර්ධනයට සහය වන මුලපිරීම් පිළිබඳව ෂැංහයි සහයෝගිතා සංවිධානයේ රාමුව තුළ අඛණ්ඩව පවතින සාකච්ඡා මඟින් ද අප දිරිමත් කරනු ලබන අතර, මෙම උත්සාහයන් සඳහා ඵලදායී ලෙස දායක වීමට ශ්රී ලංකාව කැපවී සිටින බව මෙම හමුවේ දී කෘෂිකර්ම අමාත්යවරයා අවධාරණය කළේය.
