ශ්රී ලංකාවේ ස්විට්සර්ලන්ත තානාපති ආචාර්ය සිරි වෝල්ට් ඊයේ (17) අරලියගහ මන්දිරයේදී අග්රාමාත්ය හරිනි අමරසූරිය හමුවූවාය.
ශ්රී ලංකාවේ ස්විට්සර්ලන්ත තානාපති සිරි වෝල්ට් මහත්මිය පිළිගනිමින්, ලෝක ආර්ථික සංසදයේ වාර්ෂික රැස්වීමට සහභාගී වීම සඳහා මෑතකදී ඩාවෝස් වෙත කළ සංචාරය පිළිබඳව තානාපතිවරියට විස්තර කළ අග්රාමාත්යවරිය, සංසදයට සමගාමීව පැවති ඉහළ මට්ටමේ ද්විපාර්ශ්වික රැස්වීම් මාලාව සහ වැදගත් කර්මාන්ත චාරිකා දෙකක් ශ්රී ලංකාවේ ආර්ථික කටයුතු සඳහා වටිනා අවබෝධයක් ලබා දුන් බව සඳහන් කළාය.
සාකච්ඡාවේදී අවධානය ස්විට්සර්ලන්තයේ වෘත්තීය අධ්යාපන හා පුහුණු (VET) ක්රමය කෙරෙහි අවධානය යොමු වූ අතර, විශේෂයෙන් විභව සහයෝගීතාව සහ දැනුම බෙදා ගැනීමේ අවස්ථා ගවේෂණය කිරීම කෙරෙහි ද අවධානය යොමු විය.
දිට්වා සුළි කුණාටුවෙන් පසු ස්විට්සර්ලන්ත රජය විසින් ලබා දුන් සහාය සඳහා අග්රාමාත්යවරිය සිය කෘතඥතාව පළ කළාය. විශේෂයෙන් පාලම් සහ දුම්රිය යටිතල පහසුකම් ප්රතිසංස්කරණය සම්බන්ධයෙන්, දැනට ක්රියාත්මක වන නැවත ගොඩනැගීමේ අදියරේදී වැඩිදියුණු කළ තාක්ෂණික සහාය සඳහා ශ්රී ලංකාවට ඇති අවශ්යතාවය අග්රාමාත්යවරිය අවධාරණය කළාය.
ශ්රී ලංකාව සහ ස්විට්සර්ලන්තය අතර ද්විපාර්ශ්වික සබඳතා තවදුරටත් ශක්තිමත් කිරීම සහ අන්යෝන්ය වශයෙන් උනන්දුවක් දක්වන ක්ෂේත්රවල සහයෝගීතාව පුළුල් කිරීම සඳහා ඔවුන්ගේ හවුල් කැපවීම දෙපාර්ශ්වයම නැවත තහවුරු කළහ.
