ආණ්ඩුක්රම ව්යවස්ථා සභාවට සිවිල් සමාජ සාමාජිකයින් තිදෙනෙකු පත් කිරීම සම්බන්ධයෙන් අග්රාමාත්ය හරිනි අමරසූරිය විසින් ඉදිරිපත් කරන ලද යෝජනාව පාර්ලිමේන්තුව අද (23) අනුමත කළේය.
ආණ්ඩුක්රම ව්යවස්ථාවේ 41A (4) සහ (5) වගන්තිවලට අනුකූලව පාර්ලිමේන්තුවේ අනුමැතිය සඳහා අග්රාමාත්යවරිය විසින් යෝජනාව ඉදිරිපත් කරන ලදී.
ඒ අනුව, ආණ්ඩුක්රම ව්යවස්ථා සභාවේ සිවිල් සමාජ සාමාජිකයින් ලෙස ඔස්ටින් ප්රනාන්දු, මහාචාර්ය වසන්ති සෙනෙවිරත්න සහ රංජිත් ආරියරත්න සඳහා පාර්ලිමේන්තු අනුමැතිය ලබා දෙන ලදී.
ජ්යෙෂ්ඨ මහාචාර්ය වසන්තා සෙනෙවිරත්න මහත්මිය දැනට කොළඹ විශ්ව විද්යාලයේ නීති පීඨයේ මහජන සහ ජාත්යන්තර නීතිය පිළිබඳ මහාචාර්යවරිය ලෙස සේවය කරයි. 1995 සිට ශ්රී ලංකා ශ්රේෂ්ඨාධිකරණයේ නීතිඥවරියක වන ඇය, කොළඹ විශ්ව විද්යාලයට අනුබද්ධ ප්රමුඛ පර්යේෂණ ආයතනයක් වන මානව හිමිකම් අධ්යයන මධ්යස්ථානයේ (Centre for the Study of Human Rights – CSHR) අධ්යක්ෂවරිය ද වේ.
හිටපු ජනාධිපති ලේකම් ඔස්ටින් ප්රනාන්දු 1963 දී ශ්රී ලංකා පරිපාලන සේවයට (SLAS) සම්බන්ධ වී රාජ්ය අංශයේ විවිධ තනතුරු වල සේවය කළේය. ඔහු පොළොන්නරුව දිස්ත්රික්කයේ සහ නුවරඑළිය දිස්ත්රික්කයේ රජයේ නියෝජිත, සමුපකාර සංවර්ධන කොමසාරිස් සහ තැපැල්පති, පුනරුත්ථාපන අමාත්යාංශයේ සහ රාජ්ය පරිපාලන, ස්වදේශ කටයුතු සහ පළාත් සභා සහ දේශීය වෛද්ය සහ ආරක්ෂක අමාත්යාංශයේ ලේකම් ලෙස තනතුරු දරා ඇත. ඔහු 2015 දී නැගෙනහිර පළාතේ ආණ්ඩුකාරවරයා වූ අතර ඉන්දියාවේ ශ්රී ලංකා මහ කොමසාරිස් සහ ජනාධිපති උපදේශකයෙකු ලෙස ද සේවය කළේය.
ශ්රී ලංකා පරිපාලන සේවයේ (විශේෂ ශ්රේණියේ) කීර්තිමත් නිලධාරියෙක් වන රංජිත් ආරියරත්න, මීට පෙර බෞද්ධ කටයුතු, ආගමික හා සංස්කෘතික කටයුතු, ජාතික එකමුතුව සහ සමාජ ආරක්ෂණ සහ ජනමාධ්ය අමාත්යාංශවල ලේකම් ලෙස සේවය කර ඇත.
