පාර්ලිමේන්තු මන්ත්රී විශ්රාම වැටුප් (අවලංගු කිරීමේ) පනත් කෙටුම්පත පෙබරවාරි 17 වන දින පාර්ලිමේන්තුවේ විවාදයට ගැනීමට නියමිත අතර පනත් කෙටුම්පත එදිනම සම්මත කිරීමට අපේක්ෂා කරන බවත් සභානායක බිමල් රත්නායක මහතා සඳහන් කළේය.
ශ්රේෂ්ඨාධිකරණය පනත් කෙටුම්පත ආණ්ඩුක්රම ව්යවස්ථාවට අනුකූල වන බවට තීන්දු කර ඇති බවත් 121(1) වගන්තිය ප්රකාරව සරල බහුතරයකින් එය සම්මත කළ හැකි බවට තීරණය කර ඇති බවත් කථානායක ආචාර්ය ජගත් වික්රමරත්න පසුගිය දා පාර්ලිමේන්තුවට දැනුම් දුන්නේය.
යෝජිත නීති සම්පාදනය මූලික අයිතිවාසිකම් උල්ලංඝනය කරන බවත් එබැවින් පාර්ලිමේන්තුවේ විශේෂ බහුතරයකින් මෙන්ම ජනමත විචාරණයකින් අනුමැතිය අවශ්ය බවත් පවසමින් හිටපු පාර්ලිමේන්තු මන්ත්රීවරුන් කිහිප දෙනෙකු ගොනු කළ පෙත්සම්වලින් පසුව මෙම තීන්දුව ලබා දෙන ලදී.
අධිකරණ අමාත්ය ආචාර්ය හර්ෂණ නානායක්කාර මහතා විසින් පසුගිය ජනවාරි 7 වන දින පාර්ලිමේන්තුවට ඉදිරිපත් කරන ලද මෙම පනත් කෙටුම්පත, හිටපු පාර්ලිමේන්තු මන්ත්රීවරුන්ට දැනට ලබා දී ඇති විශ්රාම වැටුප් ක්රමය අහෝසි කිරීමට යෝජනා කර ඇත.
