ශ්‍රී ලංකා වයස අවුරුදු 17න් පහළ කණ්ඩායම තුන්දින තරගයකට සහ එක්දින තරග පහකින් සමන්විත තරගාවලියකට සහභාගී වීම සඳහා පාකිස්තානය බලා පිටත්ව ගියේය.
ස්ටෙවෝන් පීරිස්ගේ නායකත්වයෙන් යුත් ශ්‍රී ලංකා කණ්ඩායම ඔක්තෝබර් 9 වැනිදා සිට 11 වැනිදා දක්වා මුල්තාන්හිදී තුන්දින තරගයකට සහභාගී වන අතර, අනතුරුව ඔක්තෝබර් 15 වැනිදා සිට 24 වැනිදා දක්වා එක්දින තරග පහක් පාකිස්තාන U17 කණ්ඩායම සමඟ පැවැත්වීමට නියමිතය.
ගල්කිස්ස සාන්ත තෝමස් විද්‍යාලයේ ස්ටෙවෝන් පීරිස් නායකත්වයට පත් කර ඇති අතර, රත්ගම දේවපතිරාජ විද්‍යාලයේ සඳරු මල්ශාන් උප නායකයා ලෙස කටයුතු කරයි.
නිමා වූ ශ්‍රී ලංකා යොවුන් වයස අවුරුදු 17න් පහළ තරගාවලියේදී ස්ටෙවෝන් පීරිස් තරග 6කදී ලකුණු 365ක් රැස් කරමින් තරගාවලියේ වැඩිම ලකුණු ලාභියා බවට පත්විය. එහිදී ඔහු අර්ධ ශතක 4ක් වාර්තා කළේය.
සඳරු මල්ශාන් එම තරගාවලියේදී තරග 6කදී ලකුණු 308ක් රැස් කරමින් ශතකයක් සහ අර්ධ ශතකයක් වාර්තා කළ අතර, තරගාවලියේ දක්ෂතම ක්‍රීඩකයා ලෙසද සම්මාන ලැබීය.
ශ්‍රී ලංකා කණ්ඩායමට පාසල් කිහිපයක් නියෝජනය කරන දක්ෂ ක්‍රීඩකයන් ඇතුළත් වන අතර, ගල්කිස්ස සාන්ත තෝමස් විද්‍යාලයෙන් ක්‍රීඩකයන් තිදෙනෙකු කණ්ඩායමට එක්ව සිටී.
ශ්‍රී ලංකා U17 කණ්ඩායම
ස්ටෙවෝන් පීරිස් – නායක
සඳරු මල්ශාන් – උප නායක
මෙතුක ගුණරත්න
යෙනුල හේවාවිතාරණ
ශැනෝන් සිල්වා
රෙශෝන් සොලමන්ස්
චෙනුක දොඩන්ගොඩ
මහිරු කොඩිතුවක්කු
තිසඟ පෙරේරා
ශෂිත් බණ්ඩාර
තරුක සමින්ජිත
චෙනුල් හතරසිංහ
අදීශ ලක්ශාන්
රවීන් සචින්ත
කලිඳු සචින්තන
තරග කාලසටහන
තුන්දින තරගය
ඔක්තෝබර් 9–11 – මුල්තාන්
එක්දින තරගාවලිය
ඔක්තෝබර් 15 – පළමු එක්දින තරගය – මුල්තාන්
ඔක්තෝබර් 17 – දෙවැනි එක්දින තරගය – මුල්තාන්
ඔක්තෝබර් 19 – තෙවැනි එක්දින තරගය – මුල්තාන්
ඔක්තෝබර් 21 – සිව්වැනි එක්දින තරගය – මුල්තාන්
ඔක්තෝබර් 24 – පස්වැනි එක්දින තරගය – මුල්තාන්
