පසුගිය සෙනසුරාදා අලුයම තමිල්නාඩුවේ චෙන්නායි හි කොයම්බේඩු ගුවන් පාලම යට දී මෝටර් රථයක් ඔවුන්ගේ යතුරුපැදියේ ගැටීමෙන් 18 හැවිරිදි ශ්රී ලාංකික දෙමළ සරණාගත තරුණියක මිය ගොස් ඇති අතර ඇගේ මිතුරිය බරපතළ තුවාල ලබා ඇති බව පොලිසිය පැවසීය.
මැයි 30 වන සෙනසුරාදා කොයම්බේඩු හි පෞද්ගලික බාර් එකකදී මියගිය තරුණියගේ කණ්ඩායම සහ පිරිමින් පිරිසක් අතර ඇති වූ බහින්බස් වීමක දිගුවක් ලෙස අනතුර සිදුකර ඇති බව පොලිසිය පැවසුවේය.
විල්ලුපුරම් දිස්ත්රික්කයේ පදිංචිකාරියක වන යැන්සි ලෙස හඳුනා ගෙන ඇති මිය ගිය තරුණිය ඇගේ 17 හැවිරිදි මිතුරිය සමඟ පෞද්ගලික බාර් එකක විනෝද වීමට ගොස් ඇති බව පොලිසිය පවසයි.
යැන්සිගේ කණ්ඩායම සහ පිරිමින් පිරිසක් අතර බහින්බස් වීමක් ඇති වූ අතර ඉක්මනින් ගැටුමක් දක්වා වර්ධනය විය. සමාජ ශාලාවේ බවුසර්වරු මැදිහත් වී කණ්ඩායම් දෙක පිටත් කර හැරීමට පෙර තත්ත්වය සමනය කළ බව පොලිසිය පැවසීය.
“කෙසේ වෙතත්, කණ්ඩායම් දෙකම බාර් එකෙන් පිටත නැවත ගැටුමක් ඇති කර ගෙන ඇති අතර බවුසර්වරු නැවතත් මැදිහත් වී ඔවුන් පිටත් කර හැර තිබෙනවා” පොලිසියේ ප්රකාශයක සඳහන් විය.
මෙම ගැටුමෙන් ස්වල්ප වේලාවකට පසු, යැන්සි සහ ඇගේ මිතුරිය එම ස්ථානයේ සිට යතුරු පැදියකින් පිටත් වී තිරුමංගලම් දෙසට ගමන් කර ඇති අතර ඔවුන් ගමන් කරමින් සිටින අතර යැන්සිගේ මිතුරිය ගැටුමට සම්බන්ධ වූ පුද්ගලයෙකුගේ මෝටර් රථයට ගල් ගසා ඇති බව පොලිසිය පැවසුවේය.
මෙම ක්රියාවෙන් කෝපයට පත් වූ පිරිමින් තම මෝටර් රථය වේගයෙන් ධාවනය කර යැන්සිගේ යතුරුපැදියේ හැප්පු බව පොලිසියේ ප්රකාශයේ වැඩිදුරටත් සඳහන් විය.
“යන්සි එම ස්ථානයේදීම මිය ගිය අතර, අසල සිටි ඇගේ මිතුරිය බරපතල තුවාල ලබා ප්රතිකාර සඳහා රජයේ රෝහලට යවා ඇත,” පොලිස් නිවේදනයේ සඳහන් විය.
පොලිසිය සිද්ධිය සම්බන්ධයෙන් හය දෙනෙකුට එරෙහිව නඩුවක් ගොනු කර ඇති අතර, ඉන් තිදෙනෙකු අත්අඩංගුවට ගෙන ඇති ඇත. අපරාධයට භාවිතා කළ මෝටර් රථය ද බලධාරීන් විසින් අත්අඩංගුවට ගෙන ඇත.
පලාගිය වැරදිකරුවන් සොයා ගැනීම සඳහා පොලිසිය විශේෂ කණ්ඩායමක් යොදවා ඇත. මේ සම්බන්ධයෙන් වැඩිදුර විමර්ශන සිදුවෙමින් පවතී.
Hindustan Times ඇසුරිණි
