බ්රිතාන්ය කැළඹු ‘නිරෝධා නිවුන්හැල්ල’ඝාතනය තීන්දුව නිව්පෝර්ට් ක්රවුන් ඊයේ (21)අධිකරණය ප්රකාශයට පත් කළේය.ඒ අනුව තම බිරිඳ වන නිරෝධා නිවුන්හැල්ල නම් 32 හැවිරිදි කාන්තාව ඝාතනය කළ ඇයගේ සැමියා වන තිසර වේරගලගේට (37) ජීවිතාන්තය දක්වා සිර දඬුවමක් නියම කර තිබේ.
තම බිරිඳ තම රැකියා සගයෙකු සමඟ අනියම් සම්බන්ධයක් ආරම්භ කිරීමෙන් පසු ඇති වූ පළිගැනීමේ චේතනාව හේතුවෙන් වාහන නැවැත්වීමේ ස්ථානයකදී පිහියෙන් ඇණ තම බිරිඳ ඝාතනය කළ බව තිසර වේරගලගේ අධිකරණයේ දී පිළිගත්තේය.
නිරෝධා නිවුහැල්ල 2025 අගෝස්තු 21 වන දින කාඩිෆ් හි රිවර්සයිඩ් හි දකුණු මෝගන් පෙදෙසේ දී ඝාතනය කර තිබුණේය.
මාස ගණනාවක් ඇයගෙන් වෙන්ව සිටි තිසර වේරගලගේ මුල දී චෝදනා ප්රතික්ෂේප කළ නමුත් ජනවාරි මාසයේ නිව්පෝර්ට් ක්රවුන් අධිකරණයේ පැවති නඩු විභාගයකදී වරද පිළිගත්තේය.
කාඩිෆ් ක්රවුන් අධිකරණයේදී වේරගලගේට දඬුවම් නියම කරමින් විනිසුරු ඩැනියෙල් විලියම්ස් පැවසුවේ ඔහුගේ “කුරිරු ආත්මාර්ථකාමිත්වය” නිරෝධාගේ ජීවිතය කෙටි කළ බවයි.
මාස ගණනාවක් තිස්සේ එම යුවළ වෙන්ව සිටි බව අධිකරණයට වාර්තා වූ නමුත්, ප්රහාරය සිදුවූ දින උදෑසන තිසර වේරගලගේ නේවාසික රථගාලට ගොස් තිබුණේ, නිරෝධා එහි සිටින බව දැනගෙන ය.
ඇයට සෙන්ටිමීටර 15ක මුළුතැන්ගෙයි පිහියකින් පහර දී ඇති අතර, ඇගේ මුහුණ, බෙල්ල, පපුව, අත සහ කකුලට දරුණු තුවාල සිදුවී විය. ප්රහාරය කෙතරම් දරුණුද යත්, ප්රහාරයට භාවිතා කළ පිහියේ මිට කැඩී ගියේය.
රථ ගාලේ නවතා තිබූ මෝටර් රථ දෙකක් අතර නිරෝධා මිය ගොස් තිබිණි.
ඝාතනයෙන් පසු නොසන්සුන්කාරී තත්ත්වයෙන් එම ස්ථානයෙන් යමින් සිටි ඔහු ලොරි රථයක ගැටී තිබිණි.
තම බල්ලා ඇවිදිමින් සිටි මිනිසෙකු ඇතුළු සාක්ෂිකරුවන්, තිසර වේරගල ඔහුගේ ෆෝඩ් ෆියෙස්ටා රථයෙන් වේගයෙන් එම ස්ථානයෙන් පිටව යන අයුරු දුටු අතර, ඒ අසල භයානක තුවාල සහිතව නිරෝධා නිශ්චලව වැටී සිටිනු දුටු විට ඔවුන් ඇයව රෝහල්ගත කිරීමට පියවර ගත්හ.
කෙසේ වෙතත්, ඔහුගේ තුවාල බරපතළ නොවූ අතර, පොලිසිය සහ පරිපූරක වෛද්යවරුන් කැඳවීමෙන් පසු, මිනීමැරුම් චෝදනාව මත ඔහු අත්අඩංගුවට ගන්නා ලදී.
මානසික සෞඛ්ය පනත යටතේ ඔහුව රඳවා තබා ගත් අතර ඔහුගේ මෝටර් රථයේ ලේ තැවරුණු ඉදිකිරීම්කරුවෙකුගේ අත්වැසුම් සහ විවෘත කළ පිහි පැකට්ටුව පොලිසිය විසින් පසුව සොයා ගන්නා ලදී.
මිනීමැරුමකට සැකපිට අත්අඩංගුවට ගැනීමෙන් පසු, ඔහු රහස් පරීක්ෂකයින්ට පැවසුවේ ඔහුගේ බිරිඳ තමාගෙන් “පලා ගොස්” ඇති බවත් ඇය “තවත් කෙනෙකු සමඟ ජීවත් වන” බවත්ය.
ඇයව “බිය ගැන්වීමට” පිහිය රැගෙන ගිය බවත්, ඇගේ තුවාල සිදු වූ ආකාරය තමාට මතක නැති බවත් ඔහු කියා සිටියේය.
ඇගේ ඝාතනය සම්බන්ධයෙන් චෝදනා ලැබීමෙන් පසු, වේරගලගේ පසුව පිළිගත්තේය.
මිතුරෙකු හරහා හමුවීමෙන් පසු යුවළ 2017 දී ශ්රී ලංකාවේදී විවාහ වූ බව අධිකරණයට දන්වන ලදී. මෙම යුවළ ඔවුන්ගේ අධ්යාපනය තවදුරටත් කරගෙන යාමට සහ ඔවුන්ගේ වෘත්තීය අපේක්ෂාවන් වැඩිදියුණු කිරීමට විදේශගත වී තිබුණේය.
ඔවුන් අවසානයේ 2022 දී කාඩිෆ් වෙත ගිය අතර එහිදී වේරගල්ගේ පැවසුවේ ඔහුට සම්බන්ධතා ඇති බවයි. නමුත් එක්සත් රාජධානියේ ව්යාපාර අංශයේ රැකියාව නිරෝධාට සාර්ථක නොවූ අතර ඇය ඒ වෙනුවට රැකවරණ නිවාසයක රැකියාවක් ලබා ගත්තාය.
මේ කාලය වන විට විවාහය දුෂ්කරතාවන්ට මුහුණ දී තිබුණි. නිරෝධා තම රැකියා සගයා වන ජේම්ස් ස්ටීවන්සන්ට හෙළි කළේ ඇගේ සැමියා ඇයට පහර දුන් බවත් ඔවුන්ට ලිංගික ගැටලු ද ඇති බවත්ය.
ඇය ස්ටීවන්සන්ට වැඩි වැඩියෙන් සමීප වන බව අධිකරණයේ දී අනාවරණය විය. වේරගලගේ මෙම සමීපභාවය ගැන දැනගත් විට, ඔහු “උමතු” වී ඔවුන් සේවය කළ රැකවරණ නිවාසයේ යුවළ ගැන ඔත්තු බැලීමට පටන් ගත්තේය.
ඔහු තම බිරිඳට ප්රචණ්ඩකාරී ලෙස සැලකූ බවට කළ යෝජනාවට මුහුණ දුන් විට, ඇයගේ හැසිරීම ඔහුට “අත එසවීමට” හේතු වූ බව ඔහු පැවසීය. මෙම හැසිරීම ස්ටීවන්සන්ට ඔහුගේ සහ නිරෝධාගේ ආරක්ෂාව ගැන බියක් ඇති කළ අතර ඔහු සම්බන්ධතාවය නතර කර දැමුවේය.
නමුත් 2025 අප්රේල් වන විට, නිරෝධා සහ වේරගලගේ ඔවුන්ගේ හවුල් නිවසින් ඉවත් වී වෙනම නිවාසවල ජීවත් වූහ.
මේ කාලය තුළ ඇය නොමැතිව ජීවත් විය නොහැකි බව ඔහු පැවසූ අතර, ශ්රී ලංකාවේ සිටින ඇගේ පියාට ඇමතුම් 15ක් ලබා දුන් අතර, “පසුගිය වසර දෙක තුළ සිදු වූ සියල්ල ආපසු හැරවීමට” අවශ්ය බව පවසමින් ස්ටීවන්සන්ට කෙටි පණිවිඩ යැවීය.
ඇගේ වෙන් වූ සැමියා ඇයට තර්ජනය කරන බව පවසමින් ඇගේ මිතුරියකට කෙටි පණිවිඩයක් යැවූ නිරෝධා ස්ටීවන්සන් සමඟ නැවත සම්බන්ධතාවයක් ඇති කර ගත්තාය.
“එයා ජේම්ස්ව මරන්නයි යන්නේ, එයා මාව මරන්නයි යන්නේ,” ඇය ලිව්වාය.
ඊර්ෂ්යාවෙන් උමතු වූ‘ උමතු සැමියා
පැමිණිල්ල මෙහෙය වූ මයිකල් ජෝන්ස් කේ.සී. පැවසුවේ මෙම ඝාතනය කලින් සැලසුම් කර ඇති බවත්, අඛණ්ඩ හා අධික ප්රචණ්ඩත්වය භාවිතා කර ඇති බවත්ය.
“පැමිණිල්ලේ සඳහන් වන්නේ නම් ඇයට එල්ල කළ ප්රහාරයේ දරුණුකම කෙතරම්ද යත් පහරදීමේදී පිහිය කැඩී ගිය බවයි” ඔහු තවදුරටත් පැවසීය.
වේරගලගේ වෙනුවෙන් පෙනී සිටි නීතිඥ ඇන්ඩෲ ටේලර් පැවසුවේ මේවා “දීප්තිමත් අනාගය් හිමි අභිලාෂකාමී සහ උගත් පුද්ගලයින් දෙදෙනෙකු” සම්බන්ධ “ඛේදජනක සිදුවීම්” බවයි.
ටේලර් පැවසුවේ තම සේවාදායකයා බිරිඳ කෙරෙහි “උමතු” වූ බවත් ඇය සගයෙකු සමඟ වඩ වඩාත් සෙනෙහස දක්වන බව දැනගත් පසු “ඊර්ෂ්යාවෙන් උමතු වූ” බවත්ය.
“ඇය නොමැතිව ජීවිතයක් ගැන ඔහුට සිතාගත නොහැකි වුණා” බව ඔහු තවදුරටත් පැවසීය.
විනිසුරු ඩැනියෙල් විලියම්ස් පැවසුවේ නිරෝධාට ප්රහාරයෙන් දිවි ගලවා ගැනීමට “අවස්ථාවක්” නොමැති බවයි.
වෙලගලගේගේ “කුරිරු ආත්මාර්ථකාමිත්වය” නිසා දිගු හා ප්රීතිමත් ජීවිතයක් ඇයට අහිමි වූ” බව ඔහු පැවසීය.
දකුණු වේල්ස් පොලිසියේ රහස් පරීක්ෂක පොලිස් පරීක්ෂක ග්රැහැම් විලියම්ස් පැවසුවේ නිරෝධාට “ඇගේ පවුලේ අය සහ මිතුරන් ඇයට බොහෝ සෙයින් ආදරය කරන ලද බවත් ඇගේ ඊර්ෂ්යා සහගත සහ බියගුලු හිටපු සහකරු විසින් ඇගේ ජීවිතය අවසන් කරන ලද” බවයි.
“ජීවිත හානියට වන්දි ගෙවීමට කිසිදු දඬුවමකින් නොහැකි වුව ද. අපරාධ නඩු කටයුතු අවසන් වීම ඔවුන්ට යම් සාමයක් ගෙන ඒමට උපකාරී වනු ඇතැයි මම බලාපොරොත්තු වෙනවා” ඔහු තවදුරටත් පැවසීය.
“ඔහුගේ ප්රහාරය සැලසුම් කළ බවත්, ඊට පෙර කිහිප වතාවක් ම එම ප්රදේශයට ගොස් මිනීමැරුම සඳහා අවශ්ය ආයුධ මිල දීගෙන ඇති බවත්” නඩුව මෙහෙය වූ එමා ඩේවිස් පැවසුවා ය.
“මෙම කම්පනසහගත ඝාතනයට ඔහුගේ පූර්ව සැලසුම් කිරීම සැලකිය යුතු සාධකයක් වුණා,” ඇය පැවසුවා ය.
“මෙවැනි පිළිකුල්සහගත හා විනාශකාරී අපරාධවලට ගොදුරු වූ තවත් පිරිසකට ඔවුන්ට ලැබිය යුතු යුක්තිය ලැබෙන බව” සහතික කරමින්, කාන්තාවන්ට සහ ගැහැනු ළමයින්ට එරෙහිව ප්රචණ්ඩත්වය මුදා හරින්නන්ට එරෙහිව ශක්තිමත් නඩු ගොඩනැගීම සඳහා CPS ආයතනය පොලිසිය සමග සමීපව කටයුතු කරන බව ඩේවිස් පැවසුවා ය.
“ඛේදජනක වියෝවකින් පෙළෙන නිරෝධාගේ පවුලේ අය සහ මිතුරන්ට අපගේ ශෝකය පළ කරනවා,” ඇය පැවසුවා ය.
ඇයගේ මරණයත් සමග නිකුත් කරන ලද සටහනක, නිරෝධාගේ පවුලේ අය ඇය පිළිබඳව විස්තර කර තිබුණේ, “ආදරණීය දියණියක, පවුලේ සාමාජිකාවක සහ බොහෝ දෙනෙකුට ආදරණීය වූ මිතුරියක” ලෙස ය.
“නිරෝධා සදහට ම ආදරයෙන් සිහිපත් වෙනවා.”
“ඇය ඇගේ කරුණාවෙන් හා උණුසුමෙන් බොහෝ ජීවිත ස්පර්ශ කළා, ඇගේ මතකය අපට ධෛර්යයක්. ඇගේ දිවි ගමන කෙටි වුව ද, ඇය බෙදා ගත් ආදරය හැම මොහොතක ම අප සමග පවතිනවා,” ඔවුහු පැවසූහ.
උපුටා ගැනීම – https://www.bbc.com/news/articles/cjwzqv54g1go
