ආණ්ඩුක්රම ව්යවස්ථාවේ 121.1 වගන්තිය යටතේ අභියෝගයට ලක් කරන ලද පදිංචිකරුවන් ආරක්ෂා කිරීම සහ කුලී අවලංගු කිරීමේ යන පනත් කෙටුම්පත් සම්බන්ධයෙන් විධිමත් තීරණයක් ගැනීමේ අවශ්යතාවයක් නොමැති බව ශ්රේෂ්ඨාධිකරණය තීරණය කර ඇති බව කථානායක ආචාර්ය ජගත් වික්රමරත්න අද (17) පාර්ලිමේන්තුවේදී ප්රකාශ කළේය.
පෙත්සම්කරුවන් විසින් තම පෙත්සම් ඉල්ලා අස්කර ගෙන ඇති බැවින්, ආණ්ඩුක්රම ව්යවස්ථාවේ 121.3 වගන්තිය යටතේ විධිමත් තීරණයක් ප්රකාශ කිරීම අනවශ්ය බව ශ්රේෂ්ඨාධිකරණය නිගමනය කර ඇත.
පෙබරවාරි 6 වන දින අධිකරණ අමාත්යාංශයේ ලේකම් විසින් නීතිපතිවරයාට ලබාදුන් තොරතුරු මත පදනම්ව, පනත් කෙටුම්පත් ඒවායේ වර්තමාන ස්වරූපයෙන් ඉදිරියට නො යන බව කථානායකවරයා පැවසුවේය.
අදාළ පනත් කෙටුම්පත් සලකා බැලීම සඳහා විශේෂඥ කමිටුවකට යොමු කරනු ලබන අතර, ඒවා නව පනත් කෙටුම්පත් ලෙස ඉදිරිපත් කිරීමට සුදුසු පියවර ගනු ඇති බ වද කථානායකවරයා පාර්ලිමේන්තුවට දැනුම් දුන්නේය.
