ඉන්දීය විදේශ කටයුතු අමාත්ය ආචාර්ය එස්. ජයශංකර් ජනතා විමුක්ති පෙරමුණේ මහ ලේකම් ටිල්වින් සිල්වාගේ නායකත්වයෙන් යුත් නියෝජිත පිරිස සමඟ විශේෂ සාකච්ඡාවක් පැවැත්වූවේය.
දෙරට අතර ද්විපාර්ශ්වික සබඳතා ශක්තිමත් කිරීම සහ අනාගත සහයෝගීතාව කෙරෙහි මෙහිදී අවධානය යොමු කළේය.
මෙම සාකච්ඡාවෙන් පසුව නිවේදනයක් නිකුත් කරමින් ඉන්දීය විදේශ අමාත්යවරයා මෙම සම්බන්ධතාවය උණුසුම් හා ඵලදායී අන්තර්ක්රියාවක් ලෙස විස්තර කළ අතර, සාකච්ඡා මගින් ආර්ථික වර්ධනය සඳහා අවස්ථා මෙන්ම දෙරටටම ප්රයෝජනවත් වන සමාජ සුභසාධන මුලපිරීම් ආවරණය වූ බව සඳහන් කළේය.
මෑත කාලීන ආර්ථික අර්බුදය සහ දිට්වා සුළි කුණාටුවෙන් පසු ලබා දුන් ආධාර ඇතුළු අභියෝගාත්මක කාලවලදී ශ්රී ලංකාවට ඉන්දියාවේ සහයෝගය ද ඔහු නැවත තහවුරු කළේය.
අසල්වැසි රටවල් දෙක අතර සහයෝගීතාවයේ අඛණ්ඩ වැදගත්කම අවධාරණය කරමින්, විශ්වාසදායක සහ දිගුකාලීන හවුල්කරුවෙකු ලෙස ශ්රී ලංකාව සමඟ සිටීමට ඉන්දියාව කැපවී සිටින බව ඔහු තව දුරටත් අවධාරණය කළේය.
