දැරණියගල, නූරියවත්ත ප්රදේශයේ සැක කටයුතු ලෙස මියගිය බවට වාර්තා වූ 14 හැවිරිදි පිරිමි ළමයෙකුගේ මළ සිරුර අද (12) අවිස්සාවේල්ල මහේස්ත්රාත් ප්රමෝද් ජයසේකර මහතාගේ නියෝග මත ගොඩ ගන්නා ලදී.
ජනවාරි 2 වන දින පිරිමි ළමයා තම මව සහ පියා සමඟ නිවසේ සිටියදී මිය ගොස් ඇත. පොලිසිය විසින් කරන ලද මූලික පරීක්ෂණ වලදී මරණයට හේතුව පිළිබඳව සැක මතු වූ අතර මරණය සම්බන්ධයෙන් සැකපිට දරුවාගේ මව සහ පියා අත්අඩංගුවට ගෙන අවිස්සාවේල්ල මහේස්ත්රාත් අධිකරණයට ඉදිරිපත් කිරීමෙන් පසු රක්ෂිත බන්ධානගාර ගත කර ඇත.
මියගිය දරුවාගේ ඥාතීන් සහ ප්රදේශයේ පදිංචිකරුවන් පසුගිය 06 වැනිදා දින විරෝධතාවයක් පැවැත්වූ අතර, දරුවාගේ මරණය පිටුපස ඇති සත්යය අනාවරණය කරන ලෙස බලධාරීන්ගෙන් ඉල්ලා සිටියහ.
අද දින දරුවාගේ මෘත දේහය යළි ගොඩගනු ලැබූ අතර යළි පශ්චාත් මරණ පරීක්ෂණයක් පැවත්වීමට නියමිතය.
මේ සම්බන්ධයෙන් තොරතුරු අනාවරණය කරමින් පොලිසිය පැවසුවේ ජනවාරි 2 වන දින රාත්රියේ නූරියවත්ත, 02 වන කොටසේ නිවසක දරුවෙකුට පහර දෙන බවට පැමිණිල්ලක් පොලිසියට ලැබී ඇති බවයි.
පැමිණිල්ල අනුව ක්රියාත්මක වූ පොලිසිය අදාළ ස්ථානය ගොස් ඇති අතර නිවස අසල වැටී සිටි පිරිමි ළමයා දැක ඔහුව ප්රදේශයේ රෝහලට ඇතුළත් කර ඇත. රෝහලේ දී දරුවා මරණයට පත්ව ඇත.
