සෞඛ්ය අමාත්යාංශය සහ ජනමාධ්ය අමාත්යාංශය විසින් ප්රකාශයට පත් කරන ලද තෙදින විශේෂ ජාතික ඩෙංගු මදුරු මර්දන වැඩසටහන ඊයේ (08) දිස්ත්රික්ක 14ක සෞඛ්ය වෛද්ය නිලධාරී (MOH) කොට්ඨාශ 72ක ක්රියාත්මක කරන ලද අතර එහි දී පරිශ්ර 70,000කට අධික සංඛ්යාවක් පරීක්ෂාවට ලක් කරන ලද බව ජාතික ඩෙංගු මර්දන ඒකකයේ වැඩබලන අධ්යක්ෂ වෛද්ය කපිල කන්නන්ගර මහතා සඳහන් කළේය.
ඔහු ප්රකාශ කළේ පරීක්ෂාවන් අතරතුර, නිවාස, පාසල් සහ රජයේ ආයතන ගණනාවක ඩෙංගු මදුරු කීටයන් සහිත ස්ථාන සහ මදුරුවන් බෝවිය හැකි ස්ථාන විශාල සංඛ්යාවක් හඳුනාගෙන ඇති බවත් අදාළ ස්ථාන හිමිකරුවන්ට එරෙහිව නීතිමය පියවර ගන්නා බවයි.
තෙදින ඩෙංගු මර්දන වැඩසටහනේ පළමු දිනයේ ක්රියාකාරකම් ඉතා සාර්ථකව සිදු කළ බව ද කපිල කන්නන්ගර මහතා සඳහන් කළේය.
මෙම වැඩසටහන සඳහා, කණ්ඩායම් විසින් ත්රිවිධ හමුදාව සහ පොලිසිය ඇතුළු රාජ්ය ආයතන, සෞඛ්ය වෛද්ය නිලධාරී කාර්යාල, රාජ්ය නොවන සංවිධාන, ප්රජා පාදක සංවිධාන, ග්රාමීය කමිටු, මහජන සෞඛ්ය පරීක්ෂකවරුන් (PHIs), සෞඛ්ය වෛද්ය නිලධාරීන් සහ ඩෙංගු සහායකයින් ඇතුළු සෞඛ්ය සේවා කාර්ය මණ්ඩලය සමඟ සහයෝගයෙන් ගෙයින් ගෙට පරිශ්ර පරීක්ෂාවන් සිදු කරන ලදී.
