දිට්වා සුළි කුණාටුවෙන් පසු ශ්රී ලංකාවට සැලකිය යුතු ණය සහනයක් ලබා දෙන ලෙස ඉල්ලා සිටින නොබෙල් ත්යාගලාභී ජෝසප් ස්ටිග්ලිට්ස් ඇතුළු ජාත්යන්තර ආර්ථික විද්යාඥයින් විසින් කරන ලද ආයාචනය විපක්ෂ නායක සජිත් ප්රේමදාස විසින් සම්පූර්ණයෙන්ම අනුමත කර ඇත.
X’ හි සටහනක් තබමින් විපක්ෂ නායක සජිත් මෙසේ පැවසුවේය. “ජනාධිපති අනුර කුමාර දිසානායක සහ ඔහුගේ පරිපාලනයට මෙම අරමුණු සාක්ෂාත් කර ගැනීමට ධෛර්යය, ප්රඥාව සහ හැකියාව ඇතැයි මම බලාපොරොත්තු වෙමි,”.
නොබෙල් ත්යාගලාභී ජෝසප් ස්ටිග්ලිට්ස් ඇතුළු ප්රමුඛ පෙළේ ගෝලීය ආර්ථික විද්යාඥයින් 120 දෙනෙකුගෙන් යුත් කණ්ඩායමක් ශ්රී ලංකාවේ විදේශ ණය ගෙවීම් වහාම අත්හිටුවන ලෙස ඉල්ලා සිටීමෙන් පසුව විපක්ෂ නායකවරයා මේ බව ප්රකාශ කළේය.
රජයේ ආදායමෙන් 25%ක් පමණ ආපසු ගෙවීම්වලින් දැනටමත් බර වී සිටින රටට, 600කට අධික පිරිසක් මිය ගොස් ලක්ෂ සංඛ්යාත නිවාස විනාශ කළ සුළි කුණාටුවේ විනාශයට මුහුණ දෙන අතරතුර ශ්රී ලංකාවට එහි වගකීම් පවත්වා ගත නොහැකි බව මෙම ආර්ථික විද්යාඥයින් කණ්ඩාම අවධාරණය කළහ.
පසුගිය වසරේ ණය ප්රතිව්යුහගත කිරීම මගින් නිර්මාණය කරන ලද සීමිත මූල්ය අවකාශය පාරිසරික හදිසි අවස්ථාව විසින් පරිභෝජනය කර ඇති බවට ආර්ථික විද්යාඥයින් අනතුරු ඇඟවූ අතර තිරසාරභාවය යථා තත්ත්වයට පත් කිරීම සඳහා නව සාකච්ඡා ඉල්ලා සිටියේය.
