මුදල් අමාත්යාංශයේ ලේකම් හර්ෂණ සූරියප්පෙරුම මහතා අමාත්ය ධුරයේ සිටි කාලය තුළ ද්විත්ව පුරවැසියෙකු නොවූ බව කැබිනට් ප්රකාශක නලින්ද ජයතිස්ස මහතා අද (05) රජයේ ප්රවෘත්ති දෙපාර්තමේන්තුවේ පැවැති කැබිනට් තීරණ දැනුම් දීමේ මාධ්ය හමුවේ දී අවධාරණය කළේය.
කැබිනට් ප්රකාශකවරයා පැවසුවේ හර්ෂණ සූරියප්පෙරුම මහතා පාර්ලිමේන්තු මන්ත්රීවරයෙකු, නියෝජ්ය අමාත්යවරයෙකු හෝ මුදල් අමාත්යාංශයේ ලේකම්වරයෙකු ලෙස කටයුතු කළ කාලය තුළ ද්විත්ව පුරවැසියෙකු නොවූ බවයි.
“ඔහු ද්විත්ව පුරවැසියෙකු නොවේ. එම තනතුරුවල සේවය කරන අතරතුර ද්විත්ව පුරවැසියෙකු වී සිටියේ නම්, ඔහුට එරෙහිව නීතිමය පියවර ගත හැකියාව තිබුණා. ඔහු මෙම භූමිකාවන් දරන විට ද්විත්ව පුරවැසියෙකු නොවූ බව මම වගකීමෙන් ප්රකාශ කරනවා,” ඇමැති නලින්ද ජයතිස්ස පැවසුවේය.
