පාර්ලිමේන්තු මන්ත්රී චාමර සම්පත් දසනායක මහතාට පනවා තිබෙන විදේශ ගමන් තහනම තාවකාලිකව ඉවත් කරන ලෙස ඉල්ලා ඒ මහතාගේ නීතිඥවරු විසින් ගොනු කර ඇති ඉල්ලීම සම්බන්ධයෙන් ලබන 12 වනදා සිය ස්ථාවරය ඉදිරිපත් කරන ලෙස කොළඹ මහේස්ත්රාත් අසංග එස් බෝදරගම මහකා අල්ලස් කොමිසමට නියෝග කළේය.
මෙම ඉල්ලීමට අදාළ මෝසම අද (05) කොළඹ ප්රධාන මහේස්ත්රාත්වරයා ඉදිරියේ කැඳවනු ලැබූ අවස්ථාවේ දී චාමර සම්පත් දසනායක මහතා වෙනුවෙන් නීතිඥයින් අධිකරණය හමුවේ කරුණු දක්වමින් සිය සේවාදායකයට චීනයේ සංචාරය කිරීමට අවශ්ය වී තිබෙන බවත් ඒ අනුව අධිකරණය මගින් පනවා තිබෙන විදේශ ගමන් තහනම තාවකාලිකව ලිහිල් කිරීමේ නියෝගයක් නිකුත් කරන ලෙස ද අධිකරණයෙන් ඉල්ලා සිටියේය.
එම ඉල්ලීම සලකා බැලු මහේස්ත්රාත්වරයා මෙම මෝසම ලබන 12 වනදා යළි කැඳවන ලෙස නියෝග කළ අතර එදින මෙම ඉල්ලීම සම්බන්ධයෙන් අල්ලස් කොමිසමේ ස්ථාවරය ඉදිරිපත් කරන ලෙසත් නියෝග කළේය.
