ඉරාන රජයට සහාය දක්වමින් දහස් ගණනක් ජනතාව ටෙහෙරානයේ වීදි බැස ඇති අතර, සමහරු එක්සත් ජනපදය කෙරෙහි “සම්පූර්ණ අවිශ්වාසයක්” ප්රකාශ කර ඇති බව Al Jazeera වාර්තාවක සඳහන් වේ.
“එක්සත් ජනපදය මෙතෙක් අපට දුන් පොරොන්දු කිසිවක් ඉටු කර නැහැ, අප සමඟ අත්සන් කළ ගිවිසුම් කිසිවක් ඉටු කර නැහැ. රාජ්ය තාන්ත්රික මාර්ගය කෙසේ හෝ ඉදිරියට යා යුතු වුව ද, මෙතෙක් කිසිදු පොරොන්දුවක් ඉටු කර නොමැති ඇමරිකාව කෙරෙහි අපි සම්පූර්ණ අවිශ්වාසයකින් ඉදිරියට යා යුතු යැයි අපි අපේක්ෂා කරනවා.” ඉරාන වැසියෙකු වන මසූමේ අලිමොහම්මඩි රොයිටර් පුවත් සේවයට පැවසීය.
ඉරාන ජාතිකයන් “යුද්ධයට බිය නැත” යනුවෙන් හමීඩ්රේසා හයිඩාරි පැවසීය.
“අපේ රටට එරෙහිව එක් ප්රහාරයක් පමණක් නොව, අඛණ්ඩ ප්රහාර එල්ල කළත්, අපි නිසැකවම වැඩි ශක්තියක් සහ අධිකාරියක් සමඟ ඉදිරියට යනවා. නමුත් මගේ මතය අනුව, එය වර්ධනය වෙමින් පවතින තත්ත්වය සැලකිල්ලට ගෙන, එක්සත් ජනපදයට සහ ඊශ්රායලයට ඉරානයේ ඉල්ලීම්වලට යටත් වීම හැර වෙනත් විකල්පයක් නැහැ” ඔහු පැවසීය.
නෙගින් ගොලිසාඩ් එක්සත් ජනපදයට අභියෝග කිරීම දිගටම කරගෙන යන ලෙස ඉරාන රජයෙන් ඉල්ලා සිටියාය.
“මේ මිනිසා [ට්රම්ප්] සමඟ අපට සාමය ඇති කර ගත හැක්කේ ඔහු අපට යටත් වීමට බල කළ ආකාරයටම ඔහුට යටත් වීමට බල කරන තරමට පහර දුන්නොත් පමණයි. ඔහු අපව ගල් යුගයට ආපසු යැවීමට අවශ්ය වූ රාත්රියේම, ඔහු පසුබැස ගියා. අප පැවසූ සියල්ල පිළිගෙන, එයට එකඟ වුණා” ඇය වැඩි දුරටත් පැවසුවාය.
