ගල් අඟුරු ආනයනයට අදාළ කරුණු සම්බන්ධයෙන් පුද්ගලයින් හෝ ආයතන සතුව ඇති ඕනෑම තොරතුරක් 2026 මැයි 22 වන දිනට පෙර ඉදිරිපත් කරන ලෙස ගල් අඟුරු ආනයනය සම්බන්ධයෙන් විමර්ශනය කිරීම සඳහා පත් කරන ලද විශේෂ ජනාධිපති විමර්ශන කොමිසමේ ලේකම් ඩී.වී. බන්දුලසේන මහතා විසින් අද (08) නිකුත් කළ මාධ්ය නිවේදනයක සඳහන් වේ.
කොමිසමේ මූලික විමර්ශන කටයුතු කොමිසමට අනුයුක්ත පොලිස් නිලධාරීන් විසින් දැනටමත් ආරම්භ කර ඇති බවත් කොමිසම මහජනතාවට දැනුම් දෙයි.
2009 සිට 2026 අප්රේල් 16 දක්වා ගල් අඟුරු ආනයනය, එම ගල් අඟුරු භාවිතයෙන් විදුලිය ජනනය කිරීම සහ ඒ ආශ්රිත අනෙකුත් සියලුම ක්රියාකාරකම් සම්බන්ධයෙන් සිදු කරන ලද විවිධ අක්රමිකතා සහ/හෝ නීති විරෝධී ක්රියාවන් විමර්ශනය කිරීම සහ විමර්ශනය කිරීම සඳහා පත් කරන ලද විශේෂ ජනාධිපති විමර්ශන කොමිසම, කොළඹ 12, අධිකරණ මාවත, සාංචි ආරච්චි වත්ත, අධිකරණ පියස, මහේස්ත්රාත් අධිකරණ සංකීර්ණයේ 5 වන මහලේ ස්ථාපිත කර ඇත.
