දිට්වා සුළි කුණාටුවෙන් හානි වූ ඇළ මාර්ග සහ ජලාශ ප්රතිසංස්කරණය කිරීම සඳහා වාරිමාර්ග දෙපාර්තමේන්තුව හදිසි වැඩපිළිවෙළක් ආරම්භ කර ඇති බව වාරිමාර්ග අධ්යක්ෂ (ජල විද්යාව සහ ආපදා කළමනාකරණ) ඉංජිනේරු එල්.එස්. සූරියබණ්ඩාර මහතා පැවසීය. එමඟින් කුඹුරු සහ අනෙකුත් ගොවිබිම් සඳහා ජල සැපයුම නැවත ආරම්භ කිරීම අරමුණු කර ගෙන ඇත.
දැඩි ලෙස බලපෑමට ලක් වූ වගා ප්රදේශ ආරක්ෂා කිරීම සඳහා තාවකාලික අලුත්වැඩියාවන් දැනටමත් සිදුවෙමින් පවතින බව ද ඔහු පැවසීය.
මෙම අලුත්වැඩියා කටයුතු අවසන් වූ පසු කෘෂිකාර්මික කටයුතු සහ ඒ ආශ්රිත කර්මාන්ත සඳහා අවශ්ය ජලය මුදා හරින බවත් මෙම කටයුතු සඳහා ආරක්ෂක හමුදා, ගොවීන් සහ ස්වේච්ඡා කණ්ඩායම් සහාය වෙමින් සිටින බවත් සූරිය බණ්ඩාර මහතා පැවසුවේය.
