අධික වර්ෂාපතනය, ගංවතුර සහ නායයෑම් හේතුවෙන් ඇති වූ වත්මන් හදිසි ආපදා තත්ත්වය හේතුවෙන් මියගිය සෑම පුද්ගලයෙකුගේම ළඟම ඥාතීන්ට ජනාධිපති අරමුදලින් රුපියල් මිලියනයක වන්දි මුදලක් ගෙවන ලෙස ජනාධිපති අනුර කුමාර දිසානායක මහතා උපදෙස් දුන්නේය.
දිවයිනේ ප්රදේශ කිහිපයකට බලපෑ මෑත කාලීන අයහපත් කාලගුණික තත්ත්වයන් හේතුවෙන් පුද්ගලයින් 30කට අධික සංඛ්යාවක් මිය ගිය බව සඳහන් කරමින් ජනපතිවරයා මෙම නියෝගය නිකුත් කළේය.
මේ අත ජනාධිපති මාධ්ය ඒකකය විසින් නිකුත් කළ මාධ්ය නිවේදනයක සඳහන් වන්නේ මියගිය අයගේ පවුල්වලට වන්දි මුදල් කඩිනමින් ලබා දීමට ජනාධිපති අරමුදල දැන් කටයුතු කරමින් සිටින බවයි.
