නේපාලයේ භෝටෙකෝෂි ගඟේ ඇති වූ විනාශකාරී ගංවතුරෙන් මියගිය සංඛ්යාව 1127 දක්වා ඉහළ ගොස් ඇති අතර, දිස්ත්රික්ක කිහිපයකින් සහ අසල්වැසි ඉන්දියාවෙන් මළ සිරුරු සොයා ගත් බව නේපාල පොලිසිය අද (02) පැවසීය.
මළ සිරුරු 1113 ක් සඳහා පශ්චාත් මරණ පරීක්ෂණ සහ නීතිමය හඳුනාගැනීමේ ක්රියා පටිපාටි අවසන් කර ඇති අතර, 95ක් ඥාතීන්ට භාර දී ඇති බව පොලිසිය පැවසීය.
අතුරුදහන් වූ ඥාතීන් හඳුනා ගැනීමට පවුල්වලට උපකාර කිරීම සඳහා හඳුනා නොගත් මළ සිරුරු 911ක විස්තර නේපාල පොලිස් වෙබ් අඩවියට උඩුගත කර ඇත.
ගංවතුරෙන් පීඩාවට පත් ප්රදේශවලට සෙවීමේ සහ ගලවා ගැනීමේ මෙහෙයුම්, සහන බෙදා හැරීම සහ ගොඩගත් මළ සිරුරු කළමනාකරණය කිරීම සඳහා බලධාරීන් පොලිස් නිලධාරීන් 7,912 ක් යොදවා ඇත.
විපතට පත් ප්රදේශවලින් පුද්ගලයින් 6,541 දෙනෙකු බේරා ගෙන ඇති බවත්, අතුරුදන් වූ බවට වාර්තා වන පුද්ගලයින් 4,858 දෙනෙකු සොයා සෝදිසි මෙහෙයුම් අඛණ්ඩව සිදුවෙමින් පවතින බවත් පොලිසිය පැවසීය.
පොලිස් කණ්ඩායම් අධි අවදානම් ප්රදේශවලින් පවුල් ආරක්ෂිත ස්ථාන කරා ගෙන යාම, සුන්බුන් වලින් අවහිර වූ මාර්ග ඉවත් කිරීම සහ පළාත් පාලන ආයතන සහ නිවැසියන් සමඟ සෝදිසි, ගලවා ගැනීමේ සහ සහන මෙහෙයුම් සම්බන්ධීකරණය කරමින් සිටී.
අයිස් පාෂාණ හිම කුණාටුවක් හේතුවෙන් ඇති වූ ගංවතුර හේතුවෙන් භෝටෙකෝෂි ගඟ දිගේ පුළුල් විනාශයක් සිදුවී ඇති අතර දිස්ත්රික්ක කිහිපයක ජනාවාස, මාර්ග, දේශසීමා වෙළඳ පහසුකම් සහ ජල විදුලි යටිතල පහසුකම් වලට බලපෑම් එල්ල වී තිබේ.
Source: The Kathmandu Post
