කුෂ් සහ හෂීෂ් මත්ද්රව්ය තොගයක් මෙරටට රැගෙන විත් එම මත්ද්රව්ය කටුනායක ගුවන් තොටුපොළෙන් පිටකර යමින් සිටි ශ්රී ලාංකිකයින් තිදෙනෙක් අද (25) අළුයමදී ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් විසින් අත්අඩංගුවට ගෙන තිබේ.
අත්අඩංගුවට ගත් අය අතරින් දෙදෙනෙක් නාත්තන්ඩිය ප්රදේශයේ පදිංචි 29 හැවිරිදි වියේ පසුවන ව්යාපාරිකයෙක් සහ පෙදරේරුවෙකු වන අතර අනෙක් පුද්ගලයා ග්රෑන්ඩ්පාස් ප්රදේශයේ පදිංචි 32 හැවිරිදි ව්යාපාරිකයෙක් බව පොලිසිය පවසයි.
සැකකරුවන් අද (25) අලුයම 04.00ට ඕමානයේ මස්කට් නුවර සිට සලාම් එයාර් ගුවන් සේවයේ ඕ.වී.- 437 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණි.
සැකකරුවන් විසින් රැගෙන ආ ගමන් මළු පහක් තුළ තිබී කුෂ් මත්ද්රව්ය කිලෝ ග්රෑම් 10යි ග්රෑම් 394ක් සහ හෂීෂ් මත්ද්රව්ය කිලෝ ග්රෑම් 01යි ග්රෑම් 912ක ප්රමාණයක් සොයා ගෙන ඇති අතර මත්ද්රව්ය තොගයේ වටිනාකම රුපියල් 13,39,40,000ක් පමණ වේ.
මෙම මත්ද්රව්ය තොගය සහ ගුවන් මගීන් තිදෙනා වැඩිදුර විමර්ශන සඳහා කටුනායක ගුවන් තොටුපොළ පොලිස් මත්ද්රව්ය කාර්යාංශයේ නිලධාරීන් වෙත භාර දීමට පියවර ගෙන තිබේ.
