රජයේ වෛද්ය නිලධාරීන්ගේ සංගමයේ ගැටලුව දේශපාලනික ගැටලුවක් බැවින් එය විසඳිය නොහැකි බව සෞඛ්ය නියෝජ්ය අමාත්ය හංසක විජයමුණි මහතා පවසයි.
ඊයේ (12) සෞඛ්ය අමාත්යාංශයේ පැවති මාධ්ය හමුවකට සහභාගී වෙමින් මෙම අදහස් පළ කළ සෞඛ්ය නියෝජ්ය අමාත්යවරයා වැඩිදුරටත් මෙසේ පැවසීය. “රජයේ වෛද්යවරුන්ගේ ගැටලුව අපට විසඳා ගත හැකි නමුත් රජයේ වෛද්ය නිලධාරීන්ගේ සංගමයේ ගැටලුව අපට විසඳා ගත නොහැකියි. රජයක් ලෙස වෛද්යවරුන්ගේ ගැටලුව වෛද්යවරුන්ගේ ගැටලුවක් ලෙසත්, රජයේ වෛද්ය නිලධාරීන්ගේ ගැටලුව දේශපාලන ගැටලුවක් ලෙසත් තේරුම් ගැනීමට අපට හැකියාව සහ ශක්තිය තිබෙනවා. රජයේ වෛද්ය නිලධාරීන්ගේ සංගමය දැනට වෘත්තීය සමිති ක්රියාමාර්ග ගන්නා බව නිවේදනය කර ඇතත්, රෝහල්වල එවැනි වෘත්තීය සමිති ක්රියාමාර්ගයක් නිරීක්ෂණය වී නැහැ. වෛද්යවරු සුපුරුදු පරිදි සේවයට පැමිණෙනවා. ඒ නිසා රජයේ වෛද්ය නිලධාරීන්ගේ සංගමයට වෘත්තීය සමිති කටයුතු කරගෙන යාමට ඉඩ පුළුවන්. මේක ක්රමිකව දුර්වල වෙලා යාවි. එනිසා අපි රජයක් ලෙස මේ ගැන කලබල වෙන්නේ නැහැ”.
.
