දිවයිනට බලපා ඇති අයහපත් කාලගුණික තත්ත්වය හේතුවෙන් පසුගිය දින 10 තුළ මරණ 31ක් වාර්තා වී ඇති අතර පුද්ගලයින් 14 දෙනෙකු තවමත් අතුරුදහන් වී ඇති බව ආපදා කළමනාකරණ මධ්යස්ථානය (DMC) පවසයි.
මිය ගිය පුද්ගලයින් අතර ඌව පළාතේ 18ක්, සබරගමුව පළාතේ 7ක්, මධ්යම පළාතේ 4ක් සහ දකුණු සහ වයඹ පළාත්වල එක් අයෙකු බැගින් ඇතුළත් වේ.
පුද්ගලයින් 10 දෙනෙකු තුවාල ලබා ඇති අතර, පවුල් 41 කට අයත් පුද්ගලයින් 131 දෙනෙකු තාවකාලිකව ආරක්ෂිත ස්ථාන පහක නවාතැන් ගෙන ඇත.
නොවැම්බර් 17 සිට නොවැම්බර් 27 දක්වා කාලය තුළ දිස්ත්රික්ක 17 ක් සහ ප්රාදේශීය ලේකම් කොට්ඨාශ 79 ක් බලපෑමට ලක්ව ඇති අතර පවුල් 1158 කට අයත් පුද්ගලයින් 4008 දෙනෙකු පීඩාවට පත්ව ඇත.
ආපදා තත්ත්වය හේතුවෙන් පවුල් 136 කට අයත් තවත් 472 දෙනෙකු ඥාතීන්ගේ නිවෙස්වල රැඳී සිටින බව ආපදා කළමනාකරණ මධ්යස්ථානය පවසයි.
