රටේ ජාතික ස්වභාවික උරුමයක් වූ කාවන්තිස්ස මහ ඇතුගේ ඛේදජනක මරණය පිළිබඳ සත්‍ය හෙළිදරව් කර ගැනීමටත්, එම සිදුවීමට අදාළ සියලු පාර්ශ්ව සිය වගකීම් නිසි පරිදි කර ඇත්ද යන්න පිළිබඳ තහවුරු කර ගැනීමටත්, එම ඇතාගේ මරණය වෙනුවෙන් යුක්තිය ඉෂ්ට කර ගැනීමත් පාර්ලිමේන්තු විශේෂ තේරීම් කාරක සභාවක් පත් කරන ලෙස ඉල්ලා කතානායකවරයා වෙත යෝජනාවක් භාර දීමට විපක්ෂයේ මන්ත්‍රීවරුන් සූදානම් වේ.
එම යෝජනාවට අත්සන් කිරීම අද (21) පාර්ලිමේන්තුවේ පිහිටි විපක්ෂ නායක කාර්යාලයේදී විපක්ෂයේ මන්ත්‍රීවරුන්ගේ සහභාගීත්වයෙන් සිදු විය.
