විනිසුරුවරුන් සංඛ්යාව වැඩි කිරීම මෙන්ම විනිසුරුවරුන් විශ්රාම ගැන්වීමේ වයස් සීමාව දීර්ඝ කිරීම වැනි කරුණු සම්බන්ධයෙන් ප්රතිපත්තිමය විරුද්ධත්වයක් නොමැති බව ශ්රී ලංකා නීතිඥ සංගමය ජනාධිපති අනුර කුමාර දිසානායක මහතාට පැවසුවේය.
මෙම තීරණය පිළිබඳව තවදුරටත් සලකා බලා යම් පොදු සම්මුතියකට එළඹීම සුදුසු බව ද ඔවුන් ජනපතිවරයාට යෝජනා කළේය.
ශ්රී ලංකා නීතිඥ සංගමයේ සාමාජිකයින් මේ බව ප්රකාශ කළේ අද (12) සවස ජනාධිපති අනුර කුමාර දිසානායක මහතා සමඟ ජනාධිපති කාර්යාලයේ පැවැති විශේෂ සාකච්ඡාවේ දීය.
අධිකරණ සහ ජාතික ඒකාබද්ධතා අමාත්ය හර්ෂණ නානායක්කාර, ජනාධිපති නීති උපදේශක නීතිඥ ජේ.එම් විජේබණ්ඩාර යන මහත්වරු සහ ශ්රී ලංකා නීතිඥ සංගමයේ සභාපති නීතිඥ රජිව් අමරසූරිය මහතා ඇතුළු එහි ජ්යෙෂ්ඨ නියෝජිතයෝ පිරිසක් මෙම සාකච්ඡාවට එක්ව සිටියහ.
