ලෝක බෞද්ධ සංඝ සම්මේලනයේ (World Buddhist Sangha Council – WBSC) 60 වන සංවත්සර සමරු උළෙල පැවැත්වීම සම්බන්ධ සංවිධාන කටයුතුවල ප්රගතිය විමසා බැලීමේ සාකච්ඡාවක් ජනාධිපති ලේකම් ආචාර්ය නන්දික සනත් කුමානායක මහතාගේ ප්රධානත්වයෙන් ජනාධිපති කාර්යාලයේදී ඊයේ (15) පෙරවරුවේ පැවැත්විණ.
නාගානන්ද ජාත්යන්තර බෞද්ධ විශ්වවිද්යාලය කේන්ද්ර කරගෙන පැවැත්වෙන ලෝක බෞද්ධ සංඝ සම්මේලනයේ 60 වැනි සංවත්සර සැමරුම නොවැම්බර් 28 වන දින ජනාධිපති අනුර කුමාර දිසානායක මහතාගේ ප්රධානත්වයෙන් ආරම්භ වන අතර, එය දෙසැම්බර් 02 වැනිදා දක්වා පැවැත්වේ.
මෙම සම්මේලනයට ථේරවාද, මහායාන සහ වජ්රයාන සම්ප්රදායන් නියෝජනය කරමින් රටවල් 50කට අධික සංඛ්යාවක භික්ෂු-භික්ෂුණීන් වහන්සේලා සහ ගිහි නියෝජිතයෝ 600කට ආසන්න පිරිසක් ද, ශ්රී ලංකාව නියෝජනය කරමින් ත්රෛනිකායික මහනායක හිමිවරු ඇතුළු මහා සංඝරත්නය 5000කට ආසන්න පිරිසක් ද සහභාගී වීමට නියමිතය.
