මෙරට සිදු වූ ඩෙංගු මරණ සංඛ්යාව 45 දක්වා ඉහළ ගොස් ඇති බව ජාතික ඩෙංගු මර්දන ඒකකය නිවේදනයක් නිකුත් කරමින් සඳහන් කළේය.
එම නිවේදනය අනුව රට පුරා මේ වසරේදී වාර්තාවී ඇති ඩෙංගු රෝගීන්ගේ සංඛ්යාව 65,034කි.
ජූලි මාසයේ පළමු දින 08 තුළ පමණක් රෝගීන් 9,654ක් වාර්තා වී ඇති අතර, ඊයේ (08) දිනට පමණක් රෝගීන් 1,300ක් පමණ වාර්තා වී ඇත.
ගම්පහ දිස්ත්රික්කයෙන් රෝගීන් 13,332ක්, කොළඹ දිස්ත්රික්කයෙන් රෝගීන් 13,150ක්, මාතර දිස්ත්රික්කයෙන් රෝගීන් 4,600ක් සහ කළුතර දිස්ත්රික්කයෙන් රෝගීන් 4,354ක් හඳුනා ගෙන ඇති බව ජාතික ඩෙංගු මර්දන ඒකකය සඳහන් කළේය.
