ශ්රී ලංකා මහ බැංකුවේ සංඛ්යාලේඛන දෙපාර්තමේන්තුව විසින් 2026 ජුනි 20 වන දින මහ බැංකු ප්රධාන කාර්යාලයේදී රට පුරා දත්ත රැස් කිරීමේ පද්ධතියේ (CWDCS) වාර්ෂික සම්මන්ත්රණය – 2026 පවත්වන ලදී.
දත්ත ගුණාත්මකභාවය ශක්තිමත් කිරීම, දත්ත රැස් කිරීමේ ක්රියාකාරකම් ආවරණය පුළුල් කිරීම සහ සාක්ෂි මත පදනම් වූ ආර්ථික විශ්ලේෂණය සහ ප්රතිපත්ති සම්පාදනයට සහාය වන ප්රාථමික දත්ත රාමුව තවදුරටත් වැඩිදියුණු කිරීම සඳහා, ප්රධාන දත්ත රැස් කිරීමේ හවුල්කරුවන් ලෙස සේවය කරන දිවයින පුරා විමර්ශකයින් සහ මහ බැංකුවේ ප්රාදේශීය කාර්යාලවල කාර්ය මණ්ඩලය මෙම සංසදය විසින් එක්රැස් කරන ලදී.
සංඛ්යාලේඛන දෙපාර්තමේන්තුවේ අධ්යක්ෂ ආචාර්ය ඊ.ඩබ්ලිව්.කේ.ජේ.බී. ඇහැලේපොල මහතා පිළිගැනීමේ අදහස් දැක්වීය. ඉන්පසු සම්මන්ත්රණයේදී මහ බැංකු අධිපති ආචාර්ය නන්දලාල් වීරසිංහ මහතා විසින් ප්රධාන දේශනයක් පවත්වන ලද අතර, ඵලදායී මුදල් ප්රතිපත්ති සම්පාදනය සඳහා උසස් තත්ත්වයේ ප්රාථමික දත්තවල තීරණාත්මක වැදගත්කම ඔහු අවධාරණය කළේය.
සහකාර අධිපති ආචාර්ය පී.කේ.ජී. හරිස්චන්ද්ර මහතා ගෝලීය ආර්ථික දැක්ම සහ ශ්රී ලංකාව සඳහා එහි ඇඟවුම් පිළිබඳ ඉදිරිපත් කිරීමක් සිදු කළ අතර, ආර්ථික පර්යේෂණ අධ්යක්ෂ ආචාර්ය එල්.ආර්.සී. පත්බේරිය මහතා මෑත කාලීන ආර්ථික වර්ධනයන් පිළිබඳ කෙටි විස්තරයක් ඉදිරිපත් කළේය.
මෙම වැඩසටහනට උද්ධමන අපේක්ෂා සමීක්ෂණයේ උපායමාර්ගික කාර්යභාරය පිළිබඳ ගැඹුරු තාක්ෂණික සාකච්ඡාවක් ද ඇතුළත් විය. ක්ෂේත්ර මට්ටමේ හැකියාවන් තවදුරටත් ශක්තිමත් කිරීම සඳහා, සහභාගිවන්නන්ට දත්ත රැස් කිරීමේ උපකරණ වැඩිදියුණු කිරීම සහ ඉල්ලුම මත සමීක්ෂණ කළමනාකරණය කිරීම පිළිබඳ මෙහෙයුම් පුහුණුවක් ලබා දෙන ලදී.
ඊට අමතරව, ශ්රී ලංකා තැන්පතු රක්ෂණ යෝජනා ක්රමය, පාරිභෝගික ආරක්ෂාව සහ නීති විරෝධී පිරමිඩ යෝජනා ක්රම වැළැක්වීම පිළිබඳ කෙටි විස්තර ඇතුළුව මූල්ය සාක්ෂරතාවය සහ දැනුවත්භාවය වැඩි දියුණු කිරීම අරමුණු කරගත් ආරාධිත දේශන සම්මන්ත්රණයේ දී පැවැත්විණි.
