ගම්පොළ විදානලාගේ සමන්ත කුමාර හෙවත් “වෙලේ සුදා” විසින් ගොනු කරන ලද අභියාචනයක් ශ්රේෂ්ඨාධිකරණය විසින් ප්රතික්ෂේප කරන ලද අතර, කොළඹ මහාධිකරණය විසින් ඔහුට නියම කරන ලද මරණ දඬුවම තහවුරු කරන ලදී.
මහින්ද සමයවර්ධන, අර්ජුන ඔබේසේකර සහ සෝභිත රාජකරුණා යන ත්රිපුද්ගල විනිසුරු මඩුල්ල විසින් අද (01) මෙම තීන්දුව ලබා දෙන ලදී.
2008 දී ගල්කිස්සේදී හෙරොයින් ග්රෑම් 7.05ක් ළඟ තබා ගැනීම සහ ජාවාරම් කිරීම සම්බන්ධයෙන් වෙලේ සුදා වරදකරු වී තිබුණි. 2015 ඔක්තෝබර් 14 වන දින කොළඹ මහාධිකරණය ඔහුට මරණ දඬුවම නියම කළේය.
අභියාචනාධිකරණය විසින් ඔහුගේ අභියාචනය ප්රතික්ෂේප කිරීමෙන් පසු, වරදකරු වූ ජාවාරම්කරු තීන්දු දෙකම අවලංගු කර නිදොස් කොට නිදහස් කරන ලෙස ඉල්ලා ශ්රේෂ්ඨාධිකරණය හමුවේ අවසාන අභියාචනයක් ගොනු කළේය.
දෙපාර්ශවයේම ඉදිරිපත් කිරීම් සලකා බැලීමෙන් පසු, අභියාචනය ඉදිරියට ගෙන යාමට ප්රමාණවත් නීතිමය පදනමක් නොමැති බව ශ්රේෂ්ඨාධිකරණය තීරණය කරමින් පෙත්සම නිෂ්ප්රභ කළ අතර එමඟින් මහාධිකරණය විසින් නියම කරන ලද මරණ දඬුවම තහවුරු කළේය.
