ශ්රී ලංකාවේ විස්තීර්ණ අරමුදල් පහසුකම (Extended Fund Facility – EFF) යටතේ පස්වන සහ හයවන ඒකාබද්ධ සමාලෝචනය අනුමත කිරීම සලකා බැලීම සඳහා ජාත්යන්තර මූල්ය අරමුදලේ විධායක මණ්ඩලය ඉදිරි සති කිහිපය ඇතුළත රැස්වීමට නියමිත බව IMF සන්නිවේදන දෙපාර්තමේන්තුවේ අධ්යක්ෂ ජූලි කොසැක් පැවසුුවාය.
විස්තීර්ණ අරමුදල් පහසුකම යටතේ ආසන්න වශයෙන් ඇමරිකානු ඩොලර් මිලියන 700ක මූල්යකරණයක් ශ්රී ලංකාවට හිමිවීමට නියමිතය.
IMF සන්නිවේදන දෙපාර්තමේන්තුවේ අධ්යක්ෂවරිය පැවසුවේ, IMF කණ්ඩායම සහ ශ්රී ලංකා බලධාරීන් අතර කාර්ය මණ්ඩල මට්ටමේ ගිවිසුම අප්රේල් 9 වන දින ඇති වූ බවයි. කෙසේ වෙතත්, සමාලෝචනය සම්පූර්ණ කිරීම විධායක මණ්ඩල අනුමැතියට යටත් බව ද ඇය පැවසුවාය.
වැඩසටහන මණ්ඩලයට ඉදිරිපත් කිරීමට පෙර ශ්රී ලංකාව විසින් පූර්ව ක්රියාමාර්ග කිහිපයක් සම්පූර්ණ කළ යුතු බව ද ඇය සඳහන් කළාය. විදුලිය සහ ඉන්ධන සඳහා පිරිවැය-ප්රතිසාධන මිලකරණය ප්රතිස්ථාපනය කිරීම, අවදානමට ලක්විය හැකි කණ්ඩායම් සඳහා ආරක්ෂාව සහතික කිරීම මෙන්ම මූල්ය සහතික සමාලෝචනය සම්පූර්ණ කිරීම ද මෙයට ඇතුළත් බව ඇය හෙළි කළාය.
පිරිවැය ප්රතිසාධනයට මාරුවීම ද්විත්ව ප්රවේශයක් ඇතුළත් වූ බවත්, අවදානමට ලක්විය හැකි ජනගහනය ආරක්ෂා කරමින් සම්පූර්ණ මිලකරණය කරා ගමන් කරන බවත් කොසැක් අවධාරණය කළාය.
වැඩසටහන තුළ නම්යශීලීභාවය පිළිබඳව අවධානය යොමු කරමින් කොසැක් අවධාරණය කළේ ශ්රී ලංකාව මෑත කාලයේ ප්රධාන කම්පන දෙකකට මුහුණ දී ඇති බවයි. ඇය දිට්වා සුළි කුණාටුව සැලකිය යුතු ආර්ථික හා මානුෂීය අර්බුදයක් ලෙස පෙන්වා දුන් අතර එය රටට “ඛේදජනක හා විනාශකාරී” ලෙස විස්තර කළාය. ඊට අමතරව, මැද පෙරදිග පවතින යුද්ධයේ බලපෑම ඇය සඳහන් කළාය.
